Молитва о супружестве матери

Молитва о супружестве матери

О, Владычице моя Преблагословенная, Защитнице рода человеческаго, прибежище и спасение притекающих к Тебе, вем, воистину вем, яко зело согреших и прогневах Тя, Премилостивая Госпоже, Рожденнаго плотию от Тебе Бога Преблагаго. Но имам многия образы тех, иже прежде мене прогневаша Его благоутробие: мытари, блудницы и прочия грешники, имже дадеся прощение грехов их покаяния ради и исповедания. Тыя убо образы помилованных очесем грешныя души моея представляя и на толикое Божие милосердие, онех приемшее, взирая, дерзнух и аз, грешный, прибегнути с покаянием к Твоему благоутробию, о Всемилостивая Владычице, да подаси ми руку помощи и испросиши у Сына Твоего и Бога тяжким моим грехом прощения. Верую и исповедую, яко Той, Егоже родила еси, Сын Твой, есть воистину Христос, Сын Бога Живаго, Судия живых и мертвых, воздаяй комуждо по делом его. Верую же паки и исповедую Тебе быти Истинную Богородицу, милосердия Источник, Утешение плачущих, Взыскание погибших, сильну и непристающую к Нему Ходатаицу, зело любящую род христианский и Споручницу моего покаяния: воистину бо несть человеком иныя помощи и покрова, разве Тебе, о Госпоже Премилостивая, и никтоже, уповая на Тя, постыдется, и Тобою, умоляя Бога, никтоже оставлен есть. Того ради молю Твою неисчетную благость: отверзи двери милосердия Твоего мне заблудшему и падшему в тимении глубины, не возгнушайся мене, сквернаго, не призри грешнаго моления моего, не остави мене, окаяннаго, егоже в гибель злобный враг похитил есть, но умоли о мне Рожденнаго от Тебе Милосерднаго Бога, да простит великия моя грехи и избавит мя от пагубы моея, яко да и из со всеми, получившими прощение, воспою и прославлю безмерное милосердие Рожденнаго от Тебе Бога и Твое непостыдное на мне заступление в жизни сей и в нескончаемом веце. Аминь.

Пресвятая Владычице моя Богородице, святыми Твоими и всесильными мольбами отжени от мене смиреннаго и окаяннаго раба Твоего уныние, забвение, неразумение, нерадение, и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищ есмь и окаянен, и избави мя от многих лютых воспоминаний и предприятий, и от всех действ злых свободи мя: яко Благословенна еси от всех родов, и славится Пречестное имя Твое во веки веков. Аминь.

О, Пресвятая Богородице! Призри с благосердием на моления нас, грешных и смиренных рабов Твоих, и умоли Бога Сына Твоего, да ниспослет нам и всем, притекающим к Тебе, здравие душевное и телесное и вся, яже к вечной и временной жизни потребная, да простит нам всякое согрешение вольное и невольное: да избавит нас от всяких скорбей и болезней, и напастей и всякаго злаго состояния. Ей, Царице наша преблагая, надежде наша несокрушимая и Заступнице необоримая! Не отврати лица Твоего от нас, за множество пригрешений наших: но простри нам руце матерняго милосердия Твоего, и сотвори с нами знамение во благо. Яви нам богатую помощь Твою и благопоспеши во всяком деле благом: от всякаго же начинания греховнаго и помышления лукаваго отврати нас, да выну славим Пречестное имя Твое и поклоняемся честному образу Твоему, и величаем Бога Отца, и Единароднаго Сына Его, Господа нашего Иисуса Христа, и Святаго Духа, со всеми святыми, во веки веков. Аминь.

Апостолу Симону Зилоту

Святый славный и всехвальный апостоле Христов Симоне, сподобивыйся прияти в дом твой в Кане Галилейстей Господа нашего Иисуса Христа и Его Пречистую Матерь, Владычицу нашу Богородицу, и очевидцем быти преславнаго чудесе Христова, на браце твоем явленнаго, претворения воды в вино! Молим тя с верою и любовию: умоли Христа Господа претворити души наша из грехолюбивых в боголюбивыя; сохрани и соблюди нас молитвами твоими от искушений диавольских и падений греховных, и испроси нам свыше помощь во время уныния и беспомощия нашего; да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских, идеже ты ныне водворяешися и веселишися. Ей, апостоле Спасов! Не посрами нас, крепце на тя уповающих, но буди вам помощник и покровитель во всем житии нашем и помози нам благочестно и богоугодно житие сие временное скончати, благую и мирную христианскую кончину получити и добраго ответа сподобитися на Страшнем Суде Христове; да избежавше мытарств воздушных и власти лютаго миродержца, унаследуем Царство Небесное и прославим великолепное имя Отца и Сына и Святаго Духа, во веки веков. Аминь.

Апостоле святый Симоне, моли милостиваго Бога, да прегрешений оставление подаст душам нашим.

Ангеле Христов святый, к тебе припадая молюся, хранителю мой святый, преданный мне на соблюдение души и телу моему грешному от святого крещения, аз же своею леностию и своим злым обычаем прогневах твою препричистую светлость и отгнах тя от себе всеми студными делы: лжами, клеветами, завистию, осуждением, презорством, непокорством, братоненавидением и злопомнением, сребролюбием, прелюбодеянием, яростию, скупостию, объядением без сытости и опивством, многоглаголани-ем, злыми помыслы и лукавыми, гордым обычаем и блудным взбешением, имый самохотение на всякое плотское вожделение, о злое мое произволение, его же и скоти безсловеснии не творят! Да како возможеши возрети на мя, или приступити ко мне, аки ко псу смердящему? Которыма очима, Ангеле Христов, воззриши на мя, оплетшася зле во гнусных делах? Да како уже возмогу отпущения просити горьким и злым моим и лукавым деяниям, в няже впадаю по вся дни и нощи и на всяк час? Но молюся ти припадая, хранителю мой святый, умилосердися на мя грешнаго и недостойного раба твоего (имярек), буди ми помощник и заступник на злаго моего сопротивника, святыми твоими молитвами, и Царствия Божия причастника мя сотвори со всеми святыми, всегда, и ныне, и присно, и во веки веков. Аминь.

Святый Ангеле, предстояй окаянной моей души и страстной моей жизни, не остави мене грешнаго, ниже отступи от мене за невоздержание мое. Не даждь места лукавому демону обладати мною, насильством смертнаго сего телесе: укрепи бедствующую и худую мою руку и настави мя на путь спасения. Ей святый Ангеле Божий, хранителю и покровителю окаянныя моея души и тела, вся мне прости, еликими тя оскорбих во вся дни живота моего, и аще что согреших в прешедшую нощь сию, покрый мя в настоящий день, и сохрани мя от всякого искушения противнаго, да ни в коем гресе прогневаю Бога, и молися за мя ко Господу, да утвердит мя в страсе Своем, и достойна покажет мя раба Своея благости. Аминь.

Ангеле Божий, хранителю мой святый, на соблюдение мне от Бога с небес данный! Прилежно молю тя: ты мя днесь просвети, и от всякаго зла сохрани, ко благому деянию настави, и на путь спасения направи. Аминь.

О святый Ангеле, хранителю и покровителю мой благий! С сокрушенным сердцем и болезненною душею предстою ти, моляся: услыши мя, грешнаго раба своего (имярек), с воплем крепким и плачем горьким вопиющаго; не помяни моих беззаконий и неправд, имиже аз, окаянный, прогневляю тя по вся дни и часы, и мерзостна себе творю пред Создателем нашим Господем; явися мне милосерд и не отлучайся мене, сквернаго, даже до кончины моея; возбуди мя от сна греховнаго и пособствуй твоими молитвами прочее время живота моего без порока преити и сотворити плоды достойны покаяния, паче же от смертных падений греховных соблюди мя, да не погибну во отчаянии и да не порадуется враг о погибели моей. Вем воистинну и усты исповедую, яко никтоже таков друг и предстатель, защититель и поборник, якоже ты, святый Ангеле: предстоя бо Престолу Господню, молишися о мне, непотребнем, и паче всех грешнейшем, да не изъимет Преблагий души моея в день нечаяния моего и в день творения злобы. Не престай убо умилостивляя премилосердаго Господа и Бога моего, да отпустит согрешения моя, яже сотворих во всем житии моем, делом, словом и всеми моими чувствы, и, имиже весть судьбами, да спасет мя; да накажет мя зде по Своей неизреченней милости, но да не обличит и не истяжет мя онамо по Своему нелицеприятному правосудию; да сподобит мя покаяние принести, с покаянием же Божественное Причащение достойне прияти, о сем паче молю и таковаго дара всеусердно желаю. В страшный же час смерти неотступен буди ми, благий хранителю мой, прогоняя мрачныя демоны, имущия устрашити претрепетную душу мою: защити мя от тех ловления, егда имам преходити воздушныя мытарства, да храним тобою, безбедно достигну рая, ми вожделеннаго, идеже лицы святых и Горних Сил непрестанно восхваляют всечестное и великолепое имя в Троице славимаго Бога, Отца, и Сына и Святаго Духа, Емуже подобает честь и поклонение во веки веков. Аминь.

О святый мучениче Христов Трифоне, скорый помощниче и всем к тебе прибегающим и молящимся пред святым твоим образом скоропослушный предстателю! Услыши ныне и на всякий час моление нас, недостойных рабов твоих, почитающих святую память твою во всечестнем храме сем, и предстательствуй о нас пред Господем на всяком месте. Ты бо, угодниче Христов, в великих чудесех возсиявый, источаяй цельбы притекающим к тебе с верою и сущия в скорбех человеки заступаяй, сам обещался еси прежде исхода твоего от жития сего тленнаго молитися за ны ко Господу и испросил еси у Него дар сей: аще кто в какой-либо нужде, печали и болезни душевней или телесней призывати начнет святое имя твое, той да избавлен будет от всякаго прилога злаго. И якоже ты иногда дщерь цареву, в Риме граде от диавола мучиму, исцелил еси, сице и нас от лютых его козней сохрани во вся дни живота нашего, наипаче же в день последняго нашего издыхания предстательствуй о нас. Буди нам тогда помощник и скорый прогонитель лукавых духов, и к Царствию Небесному предводитель. И идеже ты ныне предстоиши с лики святых у Престола Божия, моли Господа, да сподобит и нас причастники быти присносущнаго веселия и радости, да с тобою купно прославляем Отца и Сына и Святаго Утешителя Духа во веки. Аминь.

Благоверному князю Петру, в иночестве Давиду,

и княгине Февронии, в иночестве Евфросинии,

(Эти святые низводят благословение на вступление в брак.)

О велицыи угодницы Божии и предивнии чудотворцы благовернии княже Петре и княгине Февроние, града Мурома предстатели и хранители, и о всех нас усерднии ко Господу молитвенницы! К вам прибегаем и вам молимся с упованием крепким: принесите за нас грешных святыя молитвы ваша ко Господу Богу и испросите нам у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимое, в добрых делех преуспеяние, мира умирение, земли плодоносие, воздуха благорастворение, душам и телесем здравие и вечное спасение. Исходатайствуйте у Царя Небеснаго: верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш. Испросите Церкви святей и всей державе Российстей мир, тишину и благоустроение, и всем нам житие благополучное и добрую христианскую кончину. Оградите отечество ваше, град Муром, и вся грады Российския от всякаго зла и вся правоверныя люди, к вам приходящия и мощем покланяющияся, осените благодатным действом благоприятных молитв ваших, и вся прошения их во благо исполните. Ей, чудотворцы святии! Не презрите молитв наших, со умилением вам возносимых, но будите о нас приснии предстатели ко Господу и сподобите нас помощию вашею святою спасение вечное получити и Царствие Небесное унаследовати; да славословим неизреченное Человеколюбие Отца, и Сына, и Святаго Духа, в Троице покланяемаго Бога, во веки веков. Аминь.

О угодницы Божии, благовернии княже Петре и княгине Февроние, к вам прибегаем и к вам со упованием крепким молимся: вознесите о нас, грешных (имена), святыя молитвы ваши ко Господу Богу и испросите у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимо, в добрых делех преуспеяние. И хода-тайствуйте нам у Царя Небеснаго житие благополучное и добрую христианскую кончину. Ей, чудотворцы святии! Не презрите молитв наших, но будите о нас приснии предстателие ко Господу, и сподобите нас помощию вашею спасение вечное получити и Царствие Небесное унаследовати, да славословим неизреченное Человеколюбие Отца и Сына и Святаго Духа, в Троице покланяемаго Бога во веки веков.

Яко благочестиваго корене пречестная отрасль был еси, добре во благочестии пожив, блаженне Петре, тако и с супружницею твоею, премудрою Феврониею, в мире Богу угодивше и преподобных житию сподобитеся. С нимиже молитеся Господеви сохранити без вреда отечество ваше, да вас непрестанно почитаем.

Бессребреникам и чудотворцам Косме и Дамиану

(Этим святым молятся о покровительстве свадьбы и вступающих в брак.)

К вам, святии безсребренницы и чудотворцы Космо и Дамиане, яко к скорым помощником и теплым молитвенником о спасении нашем, мы, недостойнии, преклоньше колена, прибегаем и, припадающе, усердно вопием: не презрите моления нас грешных, немощных, во многая беззакония впадших и по вся дни и часы согрешающих. Умолите Господа, да пробавит нам, недостойным рабом Своим, великия и богатыя Своя милости; избавите нас от всякия скорби и болезни, вы бо прияли есте от Господа и Спаса нашего Иисуса Христа неоскудную благодать исцелений, ради твердыя веры, безмезднаго врачевания и мученическия кончины вашея. Услышите нас, молящихся, и благоприятным ходатайством вашим испросите у Христа Бога православным правителям России здравие, благоденствие, спасение, на враги же победу и одоление и благословение Божие. Паки припадающе прилежно молим, испросите нам от Господа вся благополезная яже в животе нашем временнем, наипаче же ко спасению вечному служащая, да сподобимся молитвами вашими улучити кончину христианскую, безболезненну, непостыдну, мирну, и да избавимся от козней диавольских и вечныя муки; безконечнаго же и блаженнаго Царствия Небеснаго наследницы будем. Ей, угодницы Божии, не престайте молящеся за ны, с верою к вам притекающия, аще бо по множеству грехов наших и несмы достойни милосердия вашего, обаче вы вернии подражателие Человеколюбия Божия суще, сотворите, да принесем плоды достойны покаяния и в вечный покой достигнем, хваляще и благословяще Дивнаго во святых Своих Господа и Бога и Спаса нашего Иисуса Христа и Пречистую Матерь Его, и ваше теплое заступление всегда, ныне и присно, и во веки веков. Аминь.

Чудотворцы славнии, врачеве безмезднии, Космо и Дамиане! Вы от юности Христа Бога возлюбивше и Того повеления всем сердцем соблюдающи, аще и вдасте себе учению врачебному, но добродетельнаго ради жития и чистоты душевныя, силою Христа Бога, не врачевания токмо искусство, но паче неоскудную благодать исцеления всяких недугов от Бога прияли есте. Отонюдуже любовию и милосердием к недугующим подвизаеми, не токмо людем, но и скотом исцеления болезней подаваете, неисчетным множеством чудес ваших весь мир наполняете, и не телесныя токмо недуги исцеляете, но и верою Христовою души просвещаете, в терпении болезней укрепляете, в тяжких недузех о исправлении жития вразумляете и ко Христу покаянием привлекаете. Тем же ныне и нас, припадающих к Вам пред честною иконою вашею, скоро услышите, юныя дети, вашей помощи во учении книжном просящия, вашими молитвами наставите, да вашему житию ревнующе, не земное точию научение приобрящут, но паче во благочестии и правой вере выну да преуспеют. На одре болезни лежащим, человеческая помощи отчаянным, к вам же тепле с верою и усердною молитвою прибегающим, исцеление болезней вашим милостивым, чудодейственным посещением даруйте. Многажды в болезни впадающия и от лютых недугов в уныние, малодушие и роптание пришедшия, данною вам от Бога благодатию в терпении утвердите, и наставите, да уразумеют волю о них Божию святую и благую и сами себе и живот свой воли Христа Бога предают. В недузех сущих, о исправлении же жития не радящих, во гресех не раскаивающихся, сердцем ожесточенных сокрушите во спасение и к покаянию призовите, да немощни суще телом, здрави пребудут душею, и причастницы соделаются Божия спасительныя благодати. Братию Святаго Храма сего, вашему Святому заступлению от Бога врученную, и всех к вам усердно прибегающих невредимы сохраните от долгонедужия, от болезней лютых и неисцельных, от разслабления тела, от иступления ума, от смертоносный язвы, от внезапный смерти, и всемощным ходатайством вашим к Богу соблюдите в правой вере твердых, во благочестии преспевающих, в добрых делах усердных, в молитве к Богу прилежных, да с Вами вкупе сподобятся в будущем веце присно воспевати и славити Всесвятое и Великолепое имя Отца, и Сына, и Святаго Духа, во веки веков. Аминь.

Православные иконы и молитвы

Информационный сайт про иконы, молитвы, православные традиции.

Кому молиться о замужестве и личной жизни

«Спаси, Господи!». Спасибо, что посетили наш сайт, перед тем как начать изучать информацию, просим подписаться Вас на нашу группу Вконтакте Молитвы на каждый день. Так же добавляйтесь на канал в ютубе Молитвы и иконы. «Храни Вас Господь!».

В православной вере существует достаточно большое количество различных святых образов. Как известно, к каждому из них верующие обращаются с определёнными просьбами и молитвами. Наверняка многие согласятся что о замужестве мечтает каждая девушка, но вот счастья в личной жизни можно ждать долго, а вторую половинку искать и вовсе годами. Если уж так сложилось что вы долгое время не можете выйти замуж, не стоит сразу бежать за помощью к магам и экстрасенсам. Сходите лучше в церковь и попросите о помощи у тех кому молится о замужестве.

Молитвы о замужестве и личной жизни

С молитвенными словами о помощи в замужестве и личной жизни можно обратится к любому святому образу. Но самой сильной считается молитва Николаю Чудотворцу, Божьей Матери, Ксении Петергбуржкой.

Многие считают, что нужно читать специальную молитву. Но главное не текст, а то чтобы ваши слова были искренними. Ее можно читать как перед образом, так и в любом удобном месте где вы находитесь. Очень важно, чтобы просьбу вы произносили ежедневно, при этом чётко и правильно ее формулировали.

Важно понимать, что молитвы в которых просят разбить семью пытаясь обрести таким образом свое счастье будут не услышаны. Так как это считается грехом.

Молитва Николаю Чудотворцу о замужестве

Православные веряне очень любят этого Святого. Молитвенные слова, вознесенные к нему всегда услышаны, и люди всегда получают то, о чем просят. Чудеса, сотворенные им просто не считаемые.

Согласно его биографии, однажды Святой подбросил одному бедному человеку у которого было три красивые дочери на выданье мешочек с золотом. Отец девушек настолько разозлился что у него ничего не было чтобы дать им в приданное, что даже думал их пристроить на блуд. Но благодаря доброй воли Святого Николая отец долго каялся в своих намерениях. И в скором будущем все три дочери вышли удачно замуж за любимых людей.

Такими словами можно обратиться за помощью к лику святого:

О, всесвятый Николае, угодниче преизрядный Господень, теплый наш заступниче, и везде в скорбех скорый помощниче! Помози мне грешному и унылому в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми окаянному, умоли Господа Бога, всея твари Создателя, избавити мя воздушных мытарств и вечного мучения; да всегда прославляю Отца и Сына и Святаго Духа, и твое милостивное предстательство, ныне и присно и во веки веков. Аминь.

Молитва Божьей Матери о замужестве

К Богородице также очень часто обращаются с молитвой. Как известно она является заступницей девушек, женщин и матерей. К ней обращаются с прошениями не только о замужестве, но и прося здоровья и защиты детей.

Существует достаточно большое количество икон Богородицы. Многие из образов являются чудотворными. Они помогают избавится от болезней. Некоторые образы Божьей Матери больше всего помогают обрести семейное счастье:

• «Козельщанская» Икона Божьей Матери. Согласно легенде, она имеет итальянские корни. Сам образ появился во времена Елизаветы первой. Икону привезла придворная дама, которая вскоре получила предложение руки и сердца. С тех пор считается, что образ помогает незамужним девушкам и женщинам обрести счастье.
• Икона «Неувядаемый цвет». Этот святой образ появился в 15-17 веках. Ее написание связывают с ежегодными чудесами. На Святую гору паломники приносили дар Божьей Матери в виде лилий. Накануне праздника Успения Богородицы все цветы набирались силой и заново расцветали. Когда афонские монахи заметили происходящее чудо и была написана данная икона.
• «Неупиваемая чаша» икона Божьей Матери. Эта икона считается чудотворной. Существует очень много различных рассказов о том, как молитвы, вознесенные перед образом, помогли обрести жилье, найти достойную пару и избавится от вредных привычек. Говорят, что молитва на любовь и замужество читаемая перед этим образом еще с древних времен помогает девушкам и зрелым женщинам найти свою вторую половинку.

Текст молитвы Богородице о замужестве:

О, Пресвятая Дева Мария, прими молитву сию от меня, недостойной слуги Твоей, и вознеси ее ко Престолу Бога Сына Твоего, да милостив он будет мольбам нашим. Прибегаю к Тебе как к Заступнице нашей: услышь нас, молящихся Тебе, покрой нас покровом Твоим, и испроси у Бога Сына Твоего нам всех благ: супругам любви да согласия, детям послушания, обиженным терпения, скорбящим благодушия, всем же нам дух разума и благочестия, дух милосердия и кротости, дух чистоты и правды.

Сохрани меня от гордости и самолюбия, дай же мне охоту к трудолюбию и благослови труды мои. Как Закон Господа Бога нашего повелевает людям в честном супружестве жить, то приведи меня, Матерь Божья к нему, не для угождения желанию моему, но для исполнения предназначения Отца нашего Святого, ибо Он Сам сказал: нехорошо человеку быть одному и создав ему жену в помощницу, благословил их расти, плодитися и населять землю.

Пресвятая Богородица, услышь смиренную молитву из глубины сердца девичьего моего: дай мне супруга честного и благочестивого, дабы мы в любви с ним и в согласии прославляли Тебя и милосердного Бога: Отца и Сына и Святого Духа, ныне и присно и во веки веков. Аминь.

Помните, что не важно, как вы будете читать молитву. Главное, чтобы ваши слова и ваши намерения были искренними.