Молитва на каждый день седмицы

Молитвенные воздыхания на каждый день седмицы

Господи, управи молитву мою во спасение!

Научи мя, Господи, усердно молиться Тебе со вниманием и любовью, без которых молитва не бывает услышана! Да не будет у меня небрежной молитвы во грех мне!

Рассеянный ум мой собери, Господи, и оледеневшее сердце очисти, яко Петру дая мне

покаяние, яко мытарю воздыхание, яко блуднице слезы, да велием гласом зову Ти,

Боже спаси мя, яко Един благоутробен и человеколюбец.

Недостоин я, Господи, говорить пред Тобою, потому что весьма грешен.

Господи, в делах, словах и помышлениях наших содействуй нам помощью Твоею, да

благоугождаем пред Тобою во всякое время.

Даруй, Господи, чтобы жизнию моею прославлялось Имя Твое Святое.

Пресвятая Матерь Господа, испроси, Милостивая, нам смиренного духа.

Пресвятая Владычице моя Богородице, помилуй мя и спаси мя, и помози ми ныне в жизни сей иво исходе души моея, и в будущем веце.

Святый Ангеле Господень, хранителю мой святый, помилуй мя и молися ко Господу Богу о мне, грешном.

Вси Святии, предстательствуйте о мне, грешном.

Господи, помоги и даруй мне силы ходить во воле Твоей.

Отец наш небесный! Сжалься над нами, грешными, и дай нам силы исправиться и стать

действительно детьми Твоими!

Пощади, пощади, Господи! Призри на моление наше и не лиши нас благодати Твоея!

Господи! Настави мя на дела благие и душеполезные.

Даруй мне, Господи, чтобы слова уст моих и помышление сердца моего были благоугодны пред Тобою.

Господи, даруй мне сердце простое, незлобивое, открытое, верующее, любящее, щедрое,

достойное вместилище Тебя, Всеблагого.

Господи, даруй мне дух кротости, дабы быть кротким к ближним моим и воздержанным от гнева. Даруй мне дух смиренномудрия, дабы не думать о себе высоко и не

Господи, премилосердый Иисусе Христе! Исцели, уврачуй наши окаменелые души и сердца нечистые, очисти святым Твоим именем; даруй не выронять никогда оное из уст,

памяти, ума и сердца, им дышать и оживотворяться нам, бедным.

Пресвятая Дево, Мати Господа, покажи на мне, убозем, древния милости Твоя: низпосли дух разума и благочестия, дух милосердия и кротости, дух чистоты и правды.

Иисусе, Иисусе! Помилуй, пощади, просвети, спаси!

Даруй, Боже, нам духовно жить, духовно мыслить, полезное говорить, всех почитать

внутренно, а не пренебрегать.

Господи! Ты всемогущ и желаешь чистоты души. Будь милосерд, помоги мне,

грешному, в точности исполнять учение Твое и тем достичь спасения.

помилуй меня, грешнаго, немощного и бедного, и низпосли на меня благодать Твою;

не попусти мне искуситься паче, нежеле могу.

ко мне, Господи, по благоутробию Твоему и спаси меня по единой благости Твоей

молитвами Пречистыя Владычицы Богородицы и всех святых Твоих.

на меня, Владыко Господи, искушение или скорбь или болезнь свыше силы моей, но

избавь от них или даруй мне крепость перенести их с благодарением.

меня, Господи, не вниди в суд с рабом Твоим. Прости все согрешения мои, вольные

и невольные, и даруй прежде конца истинное покаяние.

мя, Боже, по велицей милости Твоей и суди мя не по делом моим, а по множеству

щедрот Твоих. Согреших бо, но не отступих от Тебя, Бога и Спасителя и

Господи, видеть грехи мои и оплакивать их.

Защити мя, Владычице Богородице, от всех враг моих, видимых и невидимых, и от всякаго злаго обстояния.

О Пресвятая Госпоже, Владычице Дево Богородице! Приими недостойную молитву мою и

сохрани мя от внезапныя смерти, и даруй ми прежде конца покаяние.

Пресвятая Богородице, спаси нас! Ты мне хранительница жизни сея явися, Пречистая: Ты мене избави от бесов в час смерти: Ты и по смерти мене упокой.

Мати Господа небесе и земли, даждь нам вся полезная ко спасению: огради нас святыми

Ангелы от всех бед и христианскую кончину исходатайствуй нам.

Пресвятая Госпоже, Владычице Богородице! Услыши и помилуй ны, грешныя и недостойныя рабы Твоя, умоли, Милосердая Владычице, Сына Твоего и Господа нашего Иисуса Христа, да отвратит от нас праведный гнев Свой.

Мати Божия, укрепи в нас правую веру, вложи в сердца наша дух страха Божия, дух

благочестия, дух смирения, терпения и любви и в добрых делах преуспеяние.

Владыко Господи, прости мне, что я помыслил противное воле Твоей в ведении или в

неведении, ибо Твоя есть милость во веки.

Господи, просвети ослепшия мои очи душевныя.

Господи, помилуй меня, раба Твоего, услыши моление мое и даруй мне в жизни сей послужить Тебе благоугодно.

Господи, радосте моя, избави мя от обышедших мя!

Спасе наш Господи, помилуй нас, немощных и вялых.

Пресвятая Владычице моя Богородице, святыми Твоими и всесильными мольбами отжени от мене, смиренного и окаянного раба Твоего, уныние, забвение, нерадение!

Ей, многий в щедротах и неизреченный в милости! Веруяй бо в Мя, рекл еси, о Христе мой, жив будет и не узрит смерти во веки. Аще убо вера яже в Тя спасает отчаянныя,

се верую, спаси мя, яко Бог мой еси Ты и Создатель; вера же вместо дел да

вменится мне, Боже мой: не взыщеши дел отнюд оправдающих мя, но та вера да

довлеет вместо всех, та да отвещает, та да оправдит мя, та да покажет мя

причастника славы Твоея вечныя.

Сподоби мя, Господи, любити Тя от всея души моея и помышления и творити во всем волю Твою.

Возлюблю Тя, Господи, крепосте моя, заступник мой.

Господи, беззакония моя превзыдоша главу мою, яко бремя тяжкое отяготеша на мне;

возсмердеша и согниша раны моя, от лица безумия моего; мне же прилеплятися

Богови благо есть, полагати в Господе упование спасения моего.

Верую, Господи, и исповедую, яко ты еси воистину Христос, Сын Бога живаго, пришедый в мир грешныя спасти, от них же первый есьм аз.

Создатель мой! Младенец бежит к матери, а мы все от Тебя удаляемся.

Владычице моя, Пресвятая Богородице, спаси мя, грешнаго; Ты выше всех святых Ангелов удостоилась сесть близ Святыя Троицы.

Господи, помилуй; Господи, не остави мене; Господи, даждь ми мысль благу.

Господи! Очисти, освяти и вознеси нас силою Твоею!

Владыко Боже, Отче Вседержителю, Господи Сыне Единородный, Иисусе Христе и Святый Душе, едино Божество, едина Сила, помилуй мя, грешного и, имиже веси судьбами, спаси мя, недостойного раба Твоего.

Господи, отыми от мене весь помысл лукавый; Господи даждь ми мысль благу.

(В смущении мыслей:) Господи! Спаси, погибаем.

Мати Божия, защити нас от враг, видимых и невидимых, и покрый Честным Своим Покровом.

Господи, помилуй! Сыне Божий, помилуй мя, грешного! Пресвятая Богородице, помози ми! Не остави мене! Умоли Сына Твоего о мне, грешном!

Господи, прости мя, я всех хуже, а считаю себя лучше других! Ты меня, Господи, прости

Мати Божия, даруй мне знать и чувствовать Твои благодеяния и не остави меня,

грешного, погрязнуть в нечувствии.

Господи, даждь ми смирение, терпение и послушание!

Не отлучайся от мене, Господи, Создатель мой!

Господи Иисусе Христе, Сыне Божий, помилуй мя, грешного, не остави мене, Господи Боже мой, ниже отступи от мене.

Сподоби мя, Господи, ныне возлюбити Тя, якоже возлюбих иногда той самый грех; и паки

поработати Тебе без лености тощно, якоже поработах прежде сатане льстивому.

Наипаче же поработаю Тебе, Господу и Богу моему Иисусу Христу, во вся дни

Господи, помилуй меня, раба Твоего, услыши моление мое и даруй мне в сей жизни послужить Тебе благоугодно.

Скажи ми, Господи, путь в оньже пойду, яко к Тебе взях душу мою; Господи, к Тебе

прибегох, научи мя творити волю Твою, яко Ты еси Бог мой.

Господи, даждь ми смирение, даждь ми терпение, Господи даждь ми послушание, Господи, даждь ми кротость!

Не остави меня, Господи Боже мой, не отступи от меня, вонми в помощь мою, Господи

Господи! Помощник мой буди, не отрини мене и не остави мене, Боже, Спасителю мой.

Боже, милостив буди мне, грешному, во всей жизни моей, во исходе моем и по кончине

моей не остави меня.

Господи, я грешен и недостоин Твоей милости, но Ты, по единому милосердию Твоему, спаси меня.

Господи, не вниди в суд с рабом Твоим, не воздаждь мне по делам моим, но сотвори со мною по милости Твоей.

Пресвятая Владычице Богородице, избави мя от помышлений суетных и даруй мне ум и сердце, стремящееся ко спасению души.

Призри, Господи, и уврачуй немощи наша.

Ангеле Божий, Хранитель мой святый, моли Бога об оставлении грехов моих, и откровении Божественного Писания, и о получении вечных благ; и в настоящий сей день, и во грядущую ночь и во вся дни живота моего сохрани мя от всякого зла, да не

погибну аз за беззакония моя.

Пресвятая Мати Божия, моли Сына Своего и Бога об откровении ума моего, и благословении начинаний моих, и ниспослании свыше помощи в делах моих, и оставлении грехов моих и о получении вечных благ.

Помилуй мя, Господи, не дай погибнуть мне.

Господи Боже, избави мя от многих и лютых воспоминаний и от всех действ злых свободи

мя, яко благословен еси во веки.

Господи Боже мой, научи мя творити волю Твою, яко Ты еси Бог мой.

Господи Боже мой! Помоги мне всякое искушение перенести.

Заступи, спаси, помилуй и сохрани мя, Боже, Твоею благодатию: мы слабы, немощны, Ты

крепок и силен заступить и помиловать в день брани, и аще не преодолеют мною,

тогда непорочен буду и очищен буду Тобою от греха велика.

Спаситель мой, яко да не возглаголют уста моя дел человеческих; положи, Господи, хранение устом моим и дверь ограждения о устнах моих.

Господи! Смягчи твердость, жестокость и окаменелость сердца моего.

Господи, Ты видишь мою слабость, даждь ми исправление и сподоби мя любити Тя от всея души моея и помышления и подаждь мне благодать Свою любить ближних моих, и

подаждь мне усердие приносить мою недостойную молитву и всегда за все Твои ко

мне благодеяния благодарить Тебя, Создателя моего. Ты отец мой милосердый и Бог

Сердце чисто созижди во мне, Боже, и дух прав обнови во утробе моей; не отвержи мене

от лица Твоего и Духа Твоего Святаго не отыми от мене; воздаждь ми радость

спасения Своего и Духом Владычним утверди мя.

Господи Боже мой, Создателю мой, Благодетелю мой, не остави мене. Ты мене научи творити волю Твою, Ты просвети мои мысленные очи сердечныя, Ты просвети тьму мою, яко Тобою избавлюся от искушения.

Господи, умертви плотское наше мудрование, да ветхого человека отложившее, в нового

облечемся, и Тебе поживем, нашему Владыце и Благодетелю.

Заступнице моя Владычице, Пресвятая Богородице, спаси меня, грешного. Вси Святии, молите Бога о мне, грешном.

Заступник души моея буди, Боже, яко посреде хожду сетей многих, избави меня от них и

спаси мя, Блаже, яко Человеколюбец.

Господи, помилуй мя, не остави меня, Господи, ниже отступи от мене.

Господи! От тайных моих очисти мя, и от чуждых пощади раба Твоего.

Положи, Господи, хранение устом моим и дверь ограждения о устнах моих. Не уклони сердца моего в словеса лукавствия, непщевати вины о гресех моих.

Господи, даждь ми зрети моя прегрешения и не осуждати ближнего моего.

Господи, любовию Твоею уязви души наши: да к Тебе всегда взирающе, и еже от Тебе светом наставляемы, Тебе непреступнаго и присносущаго зряще света, непрестанное Тебе

исповедание и благодарение возсылаем!

О чем помолиться, не веемы; Ты сам, Господи, настави мя и вразуми мя, о чесом просити

Господи! Ты меня научи, Ты меня вразуми, Ты меня наставь и помого творити волю Твою.

Милосердный Господи, стопы мои направи по словесе Твоему и да не обладает мною беззаконие! Избави мя от клеветы человеческия, и сохраню заповеди Твоя. Лице Твое просвети на раба Твоего и научи мя оправданием Твоим.

Господи, скажи мне кончину мою и число дней моих.

Просвети очи мои, Христе Боже, да не когда усну в смерть.

Боже! Сам исцели язвы греховныя и очисти, омый, убели и спаси всех нас.

Враг льстит и борет душу мою, Господи, прежде даже до конца не погибну, спаси мя!

Помяни нас, Господи, егда приидеши во царствии Твоем! Помяни нас, Владыко, егда

приидеши во царствии Твоем! Помяни нас, Святый, егда приидеши во царствии

Даруй нам. Господи, конец благий.

Воззвах к Тебе, Господи, вонми, преклони ми ухо Твое, и очисти прежде даже не возмеши

Господи, да будет воля Твоя! Виждь труд мой и болезни моя, и остави вся грехи моя!

Господи! Помози мне исправиться, Господи, подаждь ми помощь к исправлению жизни моей. Богородице Дево, радуйся, Благодатная Марие, Господь с Тобою; Благословена Ты в женах и благословен плод чрева Твоего, яко Спаса родила еси душ наших.

Мати Божия, сохрани мя от всякого зла и покрый мя честным Твоим омофором.

Не остави мене, Господи Боже мой, ниже отступи от мене; помози ми, яко немощен есмь.

Господи! Даждь ми любовь нелицемерную! Господи, даждь ми положити начало благое! Призри на мя и помилуй мя, по суду любящего имя Твое.

Господи, мы поползновены от юности; Ты освяти души наши, Ты освяти и мысли наша, слова наши, телеса наши!

Господи, научи ны молиться. Мы и сами не знаем, о чем молиться-то; Духом Твоим Святым наставь нас!

Святи архистратизи Божии Михаиле и Гаврииле и прочие Небесные Силы, молите Бога о

Десною Твоею рукою приим Ты, Слове, сохрани мя, соблюди, да не огнь мене опалит

Господи, я отвратил мои душевные очи от Тебя; Ты, Создателю мой, не отврати лица Твоего от мене; призри на мя и помилуй мя.

Господи, отъими от мене весь помысл лукавый, противный учению Твоему Святому, и даждь мне мысль благу творити волю Твою Святую.

Дух сокрушен, сердце сокрушенно и смиренно даруй нам, Господи.

От нощи утреннююща, Человеколюбче, просвети, молюся, и настави мене на повеления Твоя, и научи мя, Спасе, творити волю Твою.

Господи, или словом, или делом, или помышлением согреших во всей жизни моей, помилуй мя и прости мя, милости Твоея ради.

Господи! Отпусти мне согрешения мои и не лиши меня Своего милосердия, даруй мне победу и одоление на врага и на все страсти.

Господи Иисусе Христе, Сыне Божий, помилуй мя, грешнаго, и в день Страшного Суда.

Господи Боже наш, сотвори с нами по милости Твоей и по чудесем Твоим.

Вси святи Угодницы Господни, ихже яко души в руце Божией, сице и имена написана суть на небесех, молите Бога о мне, грешном.

И в бездне греховной валяясь, неизследную милосердия Твоего призываю бездну, от тли, Боже, возведи мя.

МОЛИТВЫ СВЯТЫМ АРХАНГЕЛАМ И АНГЕЛУ ХРАНИТЕЛЮ

ПОНЕДЕЛЬНИК АРХАНКЕЛУ МИХАИЛУ

Великий архистратиже Божий, Михаиле, победитель демонов, победи и сокруши всех врагов моих видимых и невидимых. И умоли Господа Вседержителя, да спасет и сохранит меня Господь от всех скорбей и от всякой болезни, от смертоносной язвы и от напрвсной смерти, о, великий архангеле Михаиле, ныне и присно и во веки веков. Аминь.

ВТОРНИК АРХАНКЕЛУ ГАВРИИЛУ

О, святый великий Архангеле Гаврииле! Божию Престолу предстояй и озарением от Божественнаго света осиянный, ведением же непостижимых тайн о превечней премудрости Его просвещенный!

Всеусердно молю тя, настави мя к покаянию от злых дел и ко утверждению в вере моей, укрепи и огради душу мою от искушений прельстительных, и умоли Создателя нашего о отпущении грехов моих.

О, святый великий Гаврииле Архангеле! Не презри мене грешнаго, молящагося тебе о помощи и заступлении твоем в веце сем и в будущем, но присно помощник мне явися, да непрестанно славлю Отца и Сына и Святаго Духа державу и твое предстательство во веки веков. Аминь.

О, великий архистратиже Божий Рафаиле! Ты еси путеводитель, врач и исцелитель, руководствуй меня ко спасению и исцели все болезни мои душевные и телесные, и приведи меня к Престолу Божию, и умоли Его благоутробие за грешную душу мою, да простит меня Господь и сохранит от всех врагов моих и от злых человек отныне и до века. Аминь.

ЧЕТВЕРГ АРХАНГЕЛУ УРИИЛУ

О, великий архистратиже Божий Урииле! Ты еси сияние огня Божественнаго и просветитель помраченных грехами: просвети ум мой, сердце мое, волю мою силою Святого Духа и настави мя на путь покаяния и умоли Господа Бога, да избавит мя от ада преисподнего и от всех врагов моих видимых и невидимых, всегда ныне и присно и во веки веков. Аминь.

ПЯТНИЦА АРХАНГЕЛУ СЕЛАФИИЛУ

О, великий архистратиже Божий Селафииле! Ты молиши Бога за людей верующих, умоли Его благоутробие за меня, грешную, да избавит меня Господь от всех бед и болезней и от напрасныя смерти и да сподобит меня Господь Царствия Небеснаго со всеми святыми во веки веков. Аминь.

СУББОТА АРХАНГЕЛУ ИЕГУДИИЛУ

О, великий архистратиже Божий Иегудииле! Ты еси ревностный защитник славы Божией. Ты возбуждаешь прославлять Святую Троицу, пробуди и меня ленивого, славить Отца и Сына и Святого Духа и умоли Господа Вседержителя да созиждет во мне сердце чисто, и дух прав да обновит во утробе моей, и духом Владычним да утвердит меня покланятися Богу духом и истиною Отцу и Сыну и Святому Духу, ныне и присно и во веки веков. Аминь.

ВОСКРЕСЕНЬЕ АРХАНГЕЛУ ВАРАХИИЛУ

О, великий архистратиже Божий архангеле Варахииле! Предстоя Престолу Божию и оттоле принося благословение Божие в домы верных рабов Божиих, испроси у Господа Бога милосердия и благословения на домы наша, да благословит Господь Бог и нас от Сиона и от Горы Святыя Своея и умножит изобилие плодов земных и подаст нам здравие и спасение и во всем благое поспешение, на врагов победу и одоление и сохранит нас на многия лета, да единодушно славим Бога Отца и Сына и Святого Духа, ныне и присно и во веки веков. Аминь.

Ангеле Божий, хранителю мой святый, на соблюдение мне от Бога с небес данный! Прилежно молю тя: ты мя днесь просвети, и от всякаго зла сохрани, ко благому деянию настави, и на путь спасения направи. Аминь.

Молитвы Богородице на каждый день недели

На Понедельник

От скверных уст приими моление, о Нескверная, Чистая и Пречистая Дево Богородице, и не возгнушайся моих словес, о Радосте моя, но призри на мя и помилуй мя, Мати Зиждителя моего. Во время живота моего не остави мене: веси бо, Владычице, яко на Тя всю мою надежду возлагаю и все упование мое о Тебе есть.

Тем и во время смерти моея предстани ми.

Помощнице моя, радосте и сладосте моя: не остави мене тогда, надежде моя, и не посрами мене тогда.

Вем бо, вем, Дево, яко многим грехом повинен есмь, окаянный, и трепещу, помышляя час оный;

но, Радосте моя, яви ми тогда лице Твое, удиви на мне милость твою, Ходатаице спасения моего;

изми мя, Владычице, от лютости бесовския и страшнаго и грознаго испытания воздушных духов, и злобы их избави, и всю тогдашнюю скорбь и печаль на радость преложи Твоим присещением.

И сподоби безбедно прейти ми начала и власти тьмы, и достигнута покло-нитися на престоле славы сидящему Христу и Богу нашему, со Безначальным Его Отцем и Пресвятым Духом, во веки.

На вторник

О Пресвятая Владычице моя Богородице, Ангелов и Архангелов, Херувимов, Серафимов пречестнейшая и всех святых пресвятейшая, Дево Мати Божия!

Спаси мя, смиреннаго и греш-наго раба Твоего: Ты бо веси, всемилостивая Госпоже, яко всю мою надежду по Бозе на Тя возлагаю, и несть ми инаго прибежища спасительнаго, токмо Ты, Всеблагая: Ты моя крепость, Владычице, Ты моя и сила.

Ты мое радование в скорбех.

Ты мое пристанище во икушениях.

Ты мое исправление в падениях.

Ты и спасение мое всенадежное, о Мати Зиждителя и Господа моего!

Помози ми плавающему в пучине жития сего лютее обуреваемому и бедствующему от потопления греховнаго.

Даждь ми руку помощи, Помощнице моя, и избави мя от тимения глубины, да не погрязну в бездне отчаяния: буря бо грехов и страстей возста на мя, и волны беззаконий погружают мя.

Но Ты, милосердная Мати, в пристанище безстрастия настави и спаси мя, безнадежных Надеждо и Ходатаице спасения моего.

Богородице, Ты еси упование мое, Ты ми еси стена и благонадежное пристанище и спасительное прибежище, утомляемому страстей нахождение.

Спаси мя от всех враг моих, гонящих душу мою и ловящих ю различными искушении: на пути бо сем, по нему же хожду, многия сети скрыша ми;

многия соблазны, многия неудобства, многая прелести, многия немощи, душевныя и телесныя, уловляют мя в падения греховныя.

И уже аз, окаянный, впадох в сети вражия, и связан, и держим есмь ими: и что сотворю, отчаянный аз, недоумею.

Аще бо восхощу покаятися, нечувствием и ожесточением одержим есмь;

аще же плаката понуждаюся, не имам сокрушения сердечнаго и слез ни поне единыя капли.

Увы окаянства моего! увы бедности моей! увы лишения моего!

К кому убо прибегну прочее, повинный аз?

Токмо к Тебе, благоутробная Мати Господа и Спаса нашего, ненадежных надеждо, стено и покрове к Тебе притекающих!

Не отрини убо мене блуднаго, не возгнушайся мене сквернаго: Тебе бо едину в жизни моей стяжах утеху, Дево Марие Богородице, и к Тебе единей во всякой нужде прибегаю со дерзновением: не остави убо мене в жизни сей и во время смерти моея, предстани в помощь.

Помощнице моя, да узрят Ти вси врази мои и постыдятся, Тобою побежденнии, Владычице, Ходатаице спасения моего.

На четверг

Кто Тебе по достоянию ублажити может, Пресвятая Дево, чии уста воспети способны Твое величие, всяк смысл превосходящее?

Вся преславная о Тебе содеянная таинства, Богородице, выше смысла и слова суть;

красоте девства Твоего и пресветлой чистоте Твоей удивишася Херувимы и ужасошася Серафимы;

чудесе бо рождества Твоего нетленнаго ни человеческий, ни ангельский язык изрещи может.

От Тебе бо безлетный и Единородный Сын Божий, Бог Слово, неизреченно воплощишся, родися и с человеки поживе, и Тя, яко Матерь Свою, зело возвеличи.

Царицу Тя всея твари показа, нам же известное спасения пристанище.

Тем вси под кров Твой притекающий, различными скорбями и болезньми одержимии, приемлют от Тебе богатно утешение и исцеление и Тобою от бед спасаются: Ты бо еси воистину Мати всех скорбящих и обремененных, печальных радость, больных целительница, юным хранительница, старости жезл, праведных похвала, грешным спасения надежда и к покаянию путеводительница: всем бо всегда предстательством Твоим помогавши и всех заступаешь, Всеблагая, прибегающих к Тебе с верою и любовию.

Ты и мне помози, отчаянному деяний моих ради.

Заступнице усердная рода христианскаго;

заступи мя, да не до конца погибну во гресех, ибо не имам инаго прибежища и покрова, разве Тебе, Владычице Мати Живота;

не остави убо мене и не презри мя, но ими же Сама веси судьбами спаси мя, яко благословенна еси во веки веков.

На пятницу

Тебе предаю в защищение живот мой и по Бозе всю надежду спасения моего на Тя возлагаю, Владычице Дево Богородице.

Молю Тя, раб Твой, не презри мя многия грехи имущаго, но виждь скорбь мою о сем и недоумение и подаждь ми ослабу и утешение, да не до конца погибну.

Простри десницу Твою, Чистая, изми мя от тимения дел моих и ростави на чистую пажить заповедей Христа, Царя и Бога моего, да творю я присно, Тобою укрепляем.

От грехов моих лютых избави мя, Владычице, и покаяние спасительно мне ниспосли, к Твоему Сыну и Богу Матерним ходатайством Твоим.

Свет неизреченный возсиявшая, просвети мою тьму душевную, от грехов ей прибывшую.

Радосте моя, избави мя от обышедших мя невидимых врагов: грехи бо мои мнози и тяжки суть, врази мои люты зело, смерть близ, совесть моя мя обличает, геенна огненная устрашает,червь неусыпаемый, скрежет зубный, тартара тьма кромешняя в трепет мя приводят, ибо ожидают мя прияти, злых дел моих ради.

Что сотворю тогда и к кому прибегну, да спасена будет душа моя!

К тебе единей, сладкая Марие Богородице, услаждающая на Тя уповающим горесть смерти и избавляющая взывающих к Тебе от лютыя геенны.

Ты и мне помози, Всеблагая, не имущему тогда иныя помощи, токмо Тебе, Всепетая.

Спаси мя от ужасов смертнаго часа и лютости тогда бесовския, спаси мя от власти духов злобных на мытарствах воздушных по смерти;

яви, молюся Ти, яви ми тогда пресветлое лице Твое, Владычице, и не остави мя безпомощнаго.

О милосердная Мати!

Преклонися на милость ко мне, лишенному милости от дел моих, и умоли, Его же родила еси плотию, Христа, Спасителя и Бога нашего, нас ради на кресте пречистую Кровь Свою излиявшаго, да и аз причастник буду заслуг Его крестных пред Отцем Его Богом, и их ради получу грехов прощение и вечное спасение, и прославлю неизреченное милосердие Твое, Богородице, и Твое милостивое предстательство в безконечныя веки.

На субботу

Радуйся, Дево Богородице, пристанище и предстательство убогия души моея, надежда сладкая спасения моего!

Радуйся, радость от Ангела приемшая в благовещении имеющаго воплотитися от Тебе Бога Слова!

Радуйся, всех Зиждителя в Твоих ложеснах носившая!

Радуйся, Бога плотию рождшая, миру Спасителя!

Радуйся, в рождестве девство нетленно сохранившая!

Радуйся, от волхвов дары приемшая и поклонение их от Тебе Рождшемуся видевшая, и пастырей преславная о Нем словеса слышавшая и в сердце Твоем слагавшая!

Радуйся, Отрока Иисуса, Сына Твоего и Бога, во храме, среди законоучителей, обретшая радостно!

Радуйся, болезни лютыя во страдании крестном, распятии и смерти Сына Твоего, пресладкаго Иисуса, испытавшая, воскресением же Его тридневным обрадованная светло!

Радуйся, вознесение Сына Твоего и Бога со ученики Его во славе небесней видевшая!

Радуйся, от него ниспосланнаго Духа Святаго, в горнице Сионстей в виде огненных языков нисшедшаго, со ученики Господни приемшая!

Радуйся, на земле Особый Молитвенный Покров Пресвятой Богородицы ангельски пожившая!

Радуйся, чистотою и святынею вся ангельския чины и всех святых лики превосходящая!

Радуйся, возвеличенная славою, пришествием к Тебе Сына Твоего и Бога!

Радуйся, Того святым рукам душу Твою радостно предавшая!

Радуйся, славно превознесенная Твоим на небеса с телом восшествием!

Радуйся, по преставлении Твоем боговидцем апостолом в третий день явившаяся!

Радуйся, на небесех от Отца и Сына и Духа Святаго диадемою вечнаго царствия увенчанная!

Радуйся, от всех небесных сил приснопеваемая!

Радуйся, близ престола Пресвятыя Троицы, на престоле славы возседящая!

Радуйся, Бога с человеки примирения виновнице!

Радуйся, небесными и земными господствующая Царице!

Радуйся, яко ничтоже невозможно есть Твоему ходатайству!

Радуйся, яко вси верно, к Тебе притекающий спасаются!

Радуйся, яко Тобою скорбящий утешение, болящий исцеление, бедствующий благовременную помощь получают!

Молю убо Тя, обрадованная Владычице, потреби и во мне печаль греховную и даждь ми радость спасения, даждь ми слезы утешительныя, умиление всегдашнее, покаяние истинное и исправление совершенное.

Не возгнушайся мене, Владычице, но прийми милостиво сии гласы радостныя, мною, убогим, Тебе приносимыя, и предстани ми в помощь во время безпомощия моего, в час страшный оный, егда разлучитися и мать душа моя от окаяннаго моего тела;

тогда, молю, предстани ми в помощь и избави мя, повиннаго во гресех, наказания за них вечнаго, да не явлюся радование бесом и пища геенне огненней.

Ей, Владычице моя, не попусти узрети души моей страшнаго и грознаго прещения и истязания демонскаго, грешником уготованнаго, но предвари и спаси мя, раба Твоего, в час оный ужасный, да славлю Тя во веки, едина надежде моя и Ходатаице спасения моего.

На воскресение

О, Всемилостивая Госпоже, Дево Владычице Богородице, Царица Небесная!

Ты рождеством Своим спасла род человеческий от вечного мучительства диавола: ибо от Тебя родился Христос, Спаситель наш.

Призри своим милосердием и на сего (имя), лишенного милости Божией и благодати, исходатайствуй Матерним Своим дерзновением и Твоими молитвами у Сына Твоего, Христа Бога нашего, дабы ниспослал благодать Свою свыше на сего погибающего.

Ты надежда ненадежных, Ты отчаянных спасение, да не порадуется враг о душе его!