Молитва божией матери сурдегская

Самое подробное описание: молитва божией матери сурдегская - для наших читателей и подписчиков.

Молитва божией матери сурдегская

Акафист Пресвятой Богородице, явления ради чудотворныя Ея иконы Сурдегския.

Взбранной Воеводе Владычице нашей Богородице, благодарственная пения поем о явлении чудныя иконы Твоея Сурдегския. Ты же, яко всемилостивая всех притекающих к Тебе Помощнице, заступай нас во всех скорбех и нуждах, и яко имущая державу непобедимую, от всяких нас бед и напастей защищай, да зовем ти:

Радуйся, Похвало Сурдегская, светлое Небесныя и земныя церкве Украшение.

Ангел множества и вся Небесная воинства славят Тебе, Царицу всех Богородицу, о явлении в Сурдегах образа Твоего святаго, на земли явльшагося яко многоценен сосуд сокровищ неисчерпаемых, нам явленных для вечнаго спасения. Темже мы, аще и недостойнии по грехом нашым, все наше упование дерзающе возложити на чудотворный образ, первообразне к Тебе возводящий, во умилении молящеся взываем Ти:

Радуйся, Богоизбранная Отроковице.

Радуйся, Мати Божия.

Радуйся, ангелы чтимая.

Радуйся, от серафим певаемая.

Радуйся, пророчеств исполнение.

Радуйся, Апостолов похвало.

Радуйся, мучеников крепосте.

Радуйся, преподобных венче.

Радуйся, праведных веселие.

Радуйся, нас грешных упование.

Радуйся, кающихся скорое услышание.

Радуйся, подвизающымся помощь и прибежище.

Радуйся, Похвало Сурдегская, светлое Небесныя и земныя церкве Украшение.

Видящи Всенепорочная Мати с высоты Небесныя, идеже Ты с Сыном Твоим во славе пребываеши, скорбь людей Твоих иноверием соблазняемых, благоволила еси явити икону Свою чудесы многими от тоя являемыми, да утверждаемии знаменьми Твоея благодати, христолюбивии людие верно вопиют Богу: Аллилуиа.

Разум неуразуменный дивнаго явления иконы Твоея разумети людие ищуще уведеша, яко сия пречестная икона Твоя в наследие прибалтийским христианом даровася, темже мы благодаряще за милость Твою вопием Ти:

Радуйся, явлением Своим на источнице люди удивившая.

Радуйся, пречестный образ Свой нам оставившая.

Радуйся, милости бездно.

Радуйся, любве неистощимое море.

Радуйся, люди узами любве Своея привлекающая.

Радуйся, всякую печаль от душ их отгоняющая.

Радуйся, верных присное дерзновение.

Радуйся, сумнящихся доброе наставление.

Радуйся, Похвало Сурдегская, светлое Небесныя и земныя церкве Украшение.

Сила Вышняго благодатию Богоматере умудри и укрепи люди ко исканию многоценнаго Божия дара, и тии обретше сокровище святыя иконы богоматерни радостно возопиша к Богу: Аллилуиа.

От пречистыя Твоея иконы, Владычице, токи чудес источила еси: слепым телесныма очима зрение подавающи, душевно же омраченных светом богопознания и благочестия озаряющи. Сего ради зовем Ти:

Радуйся, явлением иконы Твоея тьму лютых обстояний отгнавшая.

Радуйся, лучами чудес ея всех просвещающая.

Радуйся, слепых прозрение.

Радуйся, омраченных смыслом просвещение.

Радуйся, славо Православия.

Радуйся, тихое пристанище ищущих спасения.

Радуйся, Еюже ликовствует все множество верных.

Радуйся, всех скорбящих Радосте.

Радуйся, Похвало Сурдегская, светлое Небесныя и земныя церкве Украшение.

Бурю земнаго скорбнаго жития нашего в немощех и болезнех видящи, Премилосердная Мати Божия благоизволи явити чудо явления образа своего, и мы с радостию несказанною припадаем к Тебе, Владычице, и из глубины души благодарим Тя, дивную Заступницу, воспевающе Богу: Аллилуиа.

Имея яко боготечную звезду святый образ Твой, Владычице, благовернии именитии людие Алексий со Анною построиша храм на месте чуднаго явления, и вси видевшии сие воспеша Ти таковая:

Радуйся, похвало наша и залог вечнаго спасения.

Радуйся, покрове наш и утешение.

Радуйся, радосте наша и крепкая заступница.

Радуйся, охранительнице наша и упование.

Радуйся, отрадо наша и дивное о нас попечение.

Радуйся, всех христиан вожделенная помощнице.

Радуйся, Мати целомудрия.

Радуйся, покрове и ограждение девства.

Радуйся, Похвало Сурдегская, светлое Небесныя и земныя церкве Украшение.

Яко боготечною звездою, заступление Богоматере сила Вышняго осени святое место явления Ея чудотворныя иконы, и обитель, сотворенную зде, яко село пространное показа всем, во иночестей жизни хотящым жати спасение, и пети сице: Аллилуиа.

Бурю внутрь имеюще помышлений сумнительных, зряще единаго от еретик, ко хулению святаго образа Твоего уста дерзнувшаго открыти, и той час самаго за сие помрачением разсудка явно наказанным быти, людие благочестивии увидевше, зовуще таковая:

Радуйся, и неведущих вразумление.

Радуйся, и малодушных укрепление.

Радуйся, кающихся скорое услышание.

Радуйся, подвизающымся помощь и прибежище.

Радуйся, землю литовскую явлением Твоим утешившая.

Радуйся, многих заблудших вразумившая.

Радуйся, истинныя веры утверждение.

Радуйся, зловерия явное обличение.

Радуйся, Похвало Сурдегская, светлое Небесныя и земныя церкве Украшение.

Силу десницы Всевышняго во исцелениих одержимых от бесов и лишенных разума являющи чрез образ Твой, научи и нас, пречистая Мати и Дево, достойно воспевати Богу: Аллилуиа.

Велию ревность имуще о Бозе, духоноснии раби Твои исцеления получивше от чудотворнаго образа Твоего, песньми красными воспевают Ти сице:

Радуйся, душ и телес наших исцеление.

Радуйся, от всяких зол ограждение.

Радуйся немощей наших умаление.

Радуйся, страстей наших искоренение.

Радуйся, благочестивых христиан предобрая наставнице.

Радуйся, боголюбивых иноков пред Богом попечительнице.

Радуйся, ведущих брань противу мира, плоти и диавола добрая споспешнице.

Радуйся, ревнующым о целомудрии и чистоте изрядная пособнице.

Радуйся, Похвало Сурдегская, светлое Небесныя и земныя церкве Украшение.

Егда узревше икону Твою, и обильная исцеления, от тоя источаемая, радовахуся людие вси, и яко светильник держаху ю, вопиюще Богу: Аллилуиа.

Слышавше о великих добродетелех святыни сея, верная чада церкве Христовы из Риги и иных градов, притекаху ко образу Твоему, и покланяхуся тому, взывающе таковая:

Радуйся, от востока до запада силу всемогущества Христова иконою Твоею возвещающая.

Радуйся, болезни душевныя и телесныя иконою Твоею скоро врачующая.

Радуйся, земли литовстей икону твою в залог благоволения даровавшая.

Радуйся, чудесы Твоими православие в ней крепко утвердившая.

Радуйся, яко чудеса Твоя зряще, к Небеси сердцы своими восхищаемся.

Радуйся, яко Тобою светом истинныя веры вси просвещаемся.

Радуйся, Еюже вера умножается.

Радуйся, Еюже уныние отгонится.

Радуйся, Похвало Сурдегская, светлое Небесныя и земныя церкве Украшение.

Боготочная звезда ищущым спасения явилася еси, Владычице, к Солнцу Правды сих приведшая: якоже бо в земнем житии Твоем о людех предстательница к Сыну Твоему в Кане Галлилейстей показалася еси, тако и по славнем Твоем отшествии на Небеса усердная заступница в образе сем нам явилася еси, о Тебе вопиющым Богу: Аллилуиа.

Вся сущи в вышних, но и нижних не отступающи, разум подаждь нам, всеусердная предстательнице, наша Небесная Царице: из уст бо нас скверных како мощно пети Твоему имени? Яко благих еси нам ходатаица, сильна еси вспомоществовати во всякой нами требуемой помощи, да Тебе со умилением зовем сице:

Радуйся, Твоим заступлением праведный на нас гнев Божий утоляющая.

Радуйся, Твоим ходатайством грехи нашя прощающая.

Радуйся, Твоею помощию страсти ная искореняющая.

Радуйся, Твоим предстательством временныя нашя скорби разрушающая.

Радуйся, во всяких бедах и нуждах нам помогающая.

Радуйся, славящих Тя всегда прославляющая.

Радуйся, славу Божию истинно пети научающая.

Радуйся, сокровище богатное в Твоей святей иконе нам являющая.

Радуйся, Похвало Сурдегская, светлое Небесныя и земныя церкве Украшение.

Хотящи тщание живота вечнаго возгрети в сердцах христианских, Пресвятая Богородица болящия чудесы своими исцеляет, бесы изгоняет, душы нашя к бытию вечному воскрешает: да вси мы, силу Божию уразумевше, земная возненавидим, о душах же своих попечение приложим, непрестанно вопиюще Богу: Аллилуиа.

Ветия многвещанныя, аки рыбы безгласныя видим о Тебе, Богородице, недоумеют бо, како боготечную икону Свою в Ярославль град от нашествия иноплеменников вдала еси, и вси вернии, благоговейно приявше ю во объятия своя яко сокровище непостижимое, поставиша во храме святем, воспевающе ти таковая:

Радуйся, литовския страны славо.

Радуйся, людей ея надеждо и держава.

Радуйся, святую икону Свою дати нам изволившая.

Радуйся, покров ея над нами простершая.

Радуйся, тем любовь свою к стране российстей показавшая.

Радуйся, о ней благое промышление явившая.

Радуйся, помоще наша в скорбных обстояниих.

Радуйся, зримая нами во многих благодеяниих.

Радуйся, слез наших избавление.

Радуйся, сирых защищение.

Радуйся, от враг видимых и невидимых ограждение.

Радуйся, неизглаголанных радостей явление.

Радуйся, Похвало Сурдегская, светлое Небесныя и земныя церкве Украшение.

Странное чудо зрим о Тебе, Богомати: се многажды недузи телеснии от святыя иконы Твоея с верою, и целованием, и святыя воды кроплением исцеляются, тако и душевныя страсти видением святыни Твоея отъемлются, вера же утверждается, и умиления сердца наша исполняются, поющих Богу: Аллилуиа.

Возсия радость велия слышавшым Твое, Богомати, в страну литовскую возвращение, яко всякая отступства и еретическая заблуждения покаявшемуся народу земли тоя отпустила еси, Владычице, и паки источника исцелений от чудотворныя Твоея иконы людем открыла еси, радостно поющым тако:

Радуйся, страху Божию нас научающая.

Радуйся, на путь добродетели нас наставляющая.

Радуйся, хранительнице наша в настоящем веце.

Радуйся, предстательнице в будущем за вся человеки.

Радуйся, изимающая нас от сетей диавольских.

Радуйся, зрительнице ликов ангельских.

Радуйся, благоутробие Сына Своего к нам преклонившая.

Радуйся, благодать спасительную Рождеством нам возвестившая.

Радуйся, святую икону Твою яко залог милости к нам возвратившая.

Радуйся, дар чудодействия ея не оставившая.

Радуйся, прилоги всякаго зла от нас отражающая.

Радуйся, всему благому вход отверзающая.

Радуйся, Похвало Сурдегская, светлое Небесныя и земныя церкве Украшение.

Странно чудо явления образа Твоего, Владычице, и, несказанно удивляет премирная и ужасает земная, вкупе же и просвещает благодатию рождшагося от Тебе Христа Бога нашего, Емуже мы недостойнии дерзновенно вопием: Аллилуиа.

Имеющи дерзновение к Сыну Твоему и Богу нашему, яко светоприемная свеща, сущым во тьме бед явльшаяся, Пресвятая Богородице, аки стеною и забралом честною иконою Твоею ковенския и иныя верныя люди Твоя защищаеши, темже избавленнии Тобою от козней диавольских все вопием Тебе:

Радуйся, Тебе же Гавриил благовести тайну Рождества Сына Божия.

Радуйся, взыгранием младенца Иоанна во чреве Елисаветы о том предуведенная.

Радуйся, яко Мати Творца и Господа Своего явленная.

Радуйся, смирением возвышенная и от всех родов ублажаемая.

Радуйся, Небесным радование и земным мир Рождеством Твоим даровавшая.

Радуйся, Ангелы славословимая и пастырьми величаемая.

Радуйся, от волхвов поклонение о Рождестве Твоем приимшая.

Радуйся, млеком питавшая горняя и дольняя благодатию Своею Питающаго.

Радуйся, пеленами повившая Одевающагося светом яко ризою.

Радуйся, носившая на руку Твоею Носящаго весь мир дланию.

Радуйся, в храм принесшая Священие храма.

Радуйся, Симеоном благословленная и Анною пророчицею возвеличенная.

Радуйся, Похвало Сурдегская, светлое Небесныя и земныя церкве Украшение.

Благодати Христовы носителие, проповедницы, богоноснии Апостоли, по Вознесении Господни при освящении храма Твоего обретше нерукотворный образ Твой, Владычице, дивляхуся: мы же недостойнии, обретши святыню сию, образ Твой всечестный, со страхом и трепетом о дивном явлении сем чудящеся, вопием, благодаряще Бога: Аллилуиа.

Поюще Твоя чудеса, являемая нам в жизни сей, блажим Тя, Богородице, яко неисчерпаемый источник милости, и припадающе к Тебе пред чудотворною иконою Твоею, молим Тя смиренно: буди нам покров и защищение в день кончины нашея, и егда имамы предстати на суд страшному престолу Сына Твоего, да вопием:

Радуйся, во славе приседящая престолу Сына Твоего и тамо нас воспоминающая.

Радуйся, с Сыном Твоим и Богом вечно царствующая и о нас ходатайствующая.

Радуйся, печальных в жизни сей утешение.

Радуйся, больных исцеление.

Радуйся, обидимых прибежище.

Радуйся, уповающым на Тя конец жизни непостыден дающая.

Радуйся, безболезненную и мирную кончину устрояющая.

Радуйся, мытарств горьких ихбавление.

Радуйся, от власти князя воздушнаго свобождение.

Радуйся, благая Мати, всех чтущих Тя жити с собою вселяющая.

Радуйся, крепкую надежду вечнаго спасения всем христианом тя блажащым являющая.

Радуйся, святителей удобрение и пастырей окриление.

Радуйся, Похвало Сурдегская, светлое Небесныя и земныя церкве Украшение.

О всепетая Мати: рождая всех святых Святейшее Слово, нынешнее наше приемши приношение, от всякия избави напасти всех, и будущия изми муки, Тебе вопиющих: Аллилуиа, алиилуиа, аллилуиа.

Сей кондак глаголи трижды. Таже икос 1 и кондак 1.

Дево Владычеце Богородице, паче естества и слова рождшая единородное Божие Слово, Творца и Владыку всей видимой и невидимой твари, Единаго из Троицы Бога, и Бога и Человека, соделавшаяся обителию Божества, вместилище всякия святыни и благодати, в немже, по благоволению Бога и Отца, при содействии Святаго Духа, телесно обитала есть полнота Божества: несравненно превознесенная царским боголепным достоинством, и преимуществующая пред всякою тварию, слава и утешение, и неизреченное веселие Ангелов, царственный венец Апостолов и Пророков, преестественное и чудное мужество мучеников, поборница в подвизех и подательница победы, уготовляющая подвижником венцы и воздаяния вечная и боголепная: превышшая всякия чести, честь и слава преподобных, непогрешительная путеуказательница и наставница безмолвия, дверь откровения и духовных таин, источник света, врата вечныя жизни, неистощимая река милосердия, неисчерпаемое море всех боголепных дарований и чудес: Тебе просим и Тебе умоляем, сострадательнейшую Матерь человеколюбиваго Владыки, буди милостива к нам смиренным и недостойным рабом Твоим, воззри благосердно на пленение и смирение наше, уврачуй сокрушения душ и телес наших, разсей видимыя и невидимыя враги, буди нам недостойным пред лицем врагов наших крепкий столп, бранное оружие, сильное ополчение, воевода и непреоборимая поборница: покажи ныне на нас древняя и чудныя милости Твоя, да познают беззаконнии врази наши, яко Сын Твой и Бог един есть Царь и Владыка: яко Ты воистину еси Богородица, родившая по плоти истиннаго Бога, яко вся Тебе возможна, и вся, аще восхощеши, Владычице, имееши силу вся сия совершити на Небеси и на земли, и на всякое прошение даровати коемуждо полезное: больным здравие, сущым на мори тишину и доброе кораблеплавание: путешествующым спутешествуй и охраняй их, плененных спасай от горькаго рабства, утешай печальных, облегчай нищету и всякое другое телесное злострадание: всех свобождай от душевных недугов и страстей, невидимыми Твоими предстательствами и внушениями, дабы добре и непреткновенно совершивше путь сея временныя жизни, улучили мы чрез Тебе и оная вечная блага в Царстве Небесном.

Спаси молитвами Твоими, Владычеце, храм сей Тебе преимущественно посвященный, и прихожан его, весь град и страну нашу: от глада, землетрясения, потопления, огня, меча, нашествия иноплеменников, междоусобныя брани, и всякий неправедно подвигшийся на ны гнев отврати, по благоволению и благодати единороднаго Сына и Бога Твоего, Емуже подобает всякая слава, честь и поклонение со безначальным Его Отцем, с совечным и животворящим Его Духом, ныне и присно, и во веки веков. Аминь.

Не умолчим никогда, Богородице, силы Твоя глаголати недостойнии: аще бо Ты не бы предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от Тебе: твоя бо рабы спасаеши присно от всяких лютых.

Не имамы иныя помощи, не имамы иныя надежды, разве Тебе, Владычице, ты нам помози, на Тебе надеемся и Тобою хвалимся: Твои бо есмы раби, да не постыдимся.

Величаем Тя, Пресвятая Дево, Богоизбранная отроковице, и чтим образ Твой святый, имже точиши исцеления всем с верою притекающым.

Молитва божией матери сурдегская

икона Богородицы «СУРДЕГСКАЯ»

28 августа (15 августа по старому стилю)

История Сурдегской иконы Пресвятой Богородицы связана с местечком Сурдегис, расположенным в 28 километрах от литовского города Паневежис. 15 августа 1530 года недалеко от храма на ключе, из которого окрестные жители брали воду, явилась икона. Один из свидетелей чудесного явления выстроил на месте обретения другую церковь в честь Живоначальной Троицы, в которой с тех пор икона и стала находиться. А ещё через 20 лет рядом с церковью был основан мужской Свято-Духов монастырь.

Под покровом Божией Матери монахи, несмотря на тяжелые испытания, смутные времена и господство иноверцев, хранили верность православию. Католики и униаты неоднократно пытались захватить монастырь, разогнать монахов и даже забрать СУРДЕГСКУЮ чудотворную икону, но по молитвам иноков Божия Матерь разрушала планы злоумышленников.

Как-то отнятый у православных святой образ привезли в Трашкунский католический монастырь бернардинов, но, когда икону внесли в костёл, лик Божией Матери стал невидим для присутствующего народа, а у похитителей перекосило челюсти.

Бернардинский настоятель, видя это знамение, тут же отправил икону крестным ходом обратно в Сурдегский монастырь. Во время возвращения одна слепая женщина, приложившись к святыне, тут же прозрела. Монастырская летопись зафиксировала множество подобных исцелений.

В 1915 году, перед занятием Литвы немецкими войсками, Сурдегскую икону Пресвятой Богородицы эвакуировали в Ярославль, и лишь в 1921 году она была возвращена в Литву. В настоящее время святой образ находится в каунасском Благовещенском соборе и по сей день являет чудеса.

Также читайте у нас на сайте:

Иконы Божьей Матери – Информация о видах иконописи, описания большинства икон Божией Матери.

Жития Святых – Раздел посвященный Житиям Православных Святых.

Начинающему христианину – Информация для тех, кто недавно пришел к Православной Церкви. Наставления в духовной жизни, базовая информация о храме и т.д.

Литература – Собрание некоторой Православной литературы.

Православие и оккультизм – Взгляд Православия на гадания, экстрасенсорику, сглаз , порчу , йогу и подобные “духовные” практики.

Молитва Божией Матери перед Ея иконой, (икона Божией Матери «СУРДЕГСКАЯ»)

икона Богородицы «СУРДЕГСКАЯ»

История Сурдегской иконы Пресвятой Богородицы связана с местечком Сурдегис, расположенным в 28 километрах от литовского города Паневежис. 15 августа 1530 года недалеко от храма на ключе, из которого окрестные жители брали воду, явилась икона. Один из свидетелей чудесного явления выстроил на месте обретения другую церковь в честь Живоначальной Троицы, в которой с тех пор икона и стала находиться. А ещё через 20 лет рядом с церковью был основан мужской Свято-Духов монастырь.

Под покровом Божией Матери монахи, несмотря на тяжелые испытания, смутные времена и господство иноверцев, хранили верность православию. Католики и униаты неоднократно пытались захватить монастырь, разогнать монахов и даже забрать СУРДЕГСКУЮ чудотворную икону, но по молитвам иноков Божия Матерь разрушала планы злоумышленников.

Как-то отнятый у православных святой образ привезли в Трашкунский католический монастырь бернардинов, но, когда икону внесли в костёл, лик Божией Матери стал невидим для присутствующего народа, а у похитителей перекосило челюсти.

Бернардинский настоятель, видя это знамение, тут же отправил икону крестным ходом обратно в Сурдегский монастырь. Во время возвращения одна слепая женщина, приложившись к святыне, тут же прозрела. Монастырская летопись зафиксировала множество подобных исцелений.

В 1915 году, перед занятием Литвы немецкими войсками, Сурдегскую икону Пресвятой Богородицы эвакуировали в Ярославль, и лишь в 1921 году она была возвращена в Литву. В настоящее время святой образ находится в каунасском Благовещенском соборе и по сей день являет чудеса.

Похожие новости

Комментарии (0)

Посетители, находящиеся в группе Гости, не могут оставлять комментарии к данной публикации.

Оценка 4.7 проголосовавших: 17
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here