![molitva-pravednoj-anny-ot-besplodiya](https://xn----7sbbh1acsciho3aw6kyb.xn--p1ai/wp-content/uploads/2018/09/molitva-pravednoj-anny-ot-besplodiya.jpg)
Самое подробное описание: молитва праведной анны от бесплодия - для наших читателей и подписчиков.
Содержание
Молитвы от бесплодия
Молитва святой богопраматери Анне,
разрешающей узы безчадия и неплодия.
Благоугодный ко́рень, израсти́вший бы́лие благопло́дное и вечноцветущее – препетую Богоро́дицу, из Нея́ же произы́де Нача́льник жи́зни и Соверши́тель ве́ры Иису́с Христо́с, многоточный исто́чник, из нея́же произы́де, я́ко пото́к сла́дости и река́ ми́ра Благослове́нная в жена́х, источа́ющая бе́здну бла́г и неизрече́нное мо́ре бла́гости и бесконечного блаже́нства. Предопределе́нная чревоносити несравне́нно Светле́йшую луче́й со́лнечных, Ея́же прозре́ша и пропове́даша пророческие трубы́. Познанная от Плода́ ея́, Цари́цы А́нгелов и вы́шшей су́щей небе́с, я́ко сосу́д избра́нный Свята́го Ду́ха и вмести́лище благода́ти ясне́йшее. О́браз пра́ведности и непорочного жи́тельства и му́дрости лу́г благоуха́нный и сладкоблаговонный. Исполня́ющая зако́нная повеле́ния в пра́вости се́рдца и горя́щем благогове́нии и вся́ким тща́нием со блаже́нным свои́м супру́гом и богоносцем Иоакимом. Боже́ственным волением зачавшая в ста́рости масти́тей и ро́ждшая пре́жде ве́к предопределенную роди́тися Ма́терь Бо́жию. Прама́ти всемилостивого и всеще́драго Бо́га, гото́вое заступле́ние и предста́тельство с ве́рою прибега́ющих к тебе́, утеше́ние стра́ждущих и поко́й скорбя́щим, благода́тию Вну́ка твоего́ показу́ющая безча́дных и непло́дных же́н благочадны, приими́ и моле́ние на́с гре́шных и преложи́ печа́ль безча́дия моля́щихся тебе́ в ра́дость.
Да́ждь пло́д чре́ва призыва́ющим тя́, разреша́я мра́к и́х безпло́дия и, я́ко разреше́ние безпло́дия, безча́дных же́н благочадны сотвори́ ублажа́ющих тя́ и славосло́вящих Богочелове́ка – Вну́ка твоего́ и Созда́теля и Го́спода.
Е́й, блаже́нная и благода́тная А́нна, все́м, я́ко луна́ пресве́тлая, посыла́ющая ми́рный и ти́хий све́т богода́нных в тебе́ дарова́ний, показа́вшаяся Са́рры честне́йшая, А́нны ма́тери Самуи́ла светле́йшая, Елисаве́ты сла́внейшая и все́х пра́ведных же́н, и́хже зако́н прославля́ет, честне́йшая и я́ко от сего́ многой че́сти и благода́ти удостоенная, испо́лни ра́дости и весе́лия се́рдца к тебе́ прибега́ющих и да́ждь благода́ть твою́ рабе́ твое́й, прие́млющей твою́ ско́рую по́мощь, отверза́я е́й чре́во, да твои́м предста́тельством и заступле́нием улучи́т зача́тие ча́да и просла́вит всесвято́е И́мя Богочелове́ка – Вну́ка Твоего́ и Спа́са на́шего Иису́са Христа́. Ему́ же подоба́ет вся́кая сла́ва, че́сть и поклоне́ние со безнача́льным Его́ Отце́м и пресвяты́м и благи́м и животворя́щим Его́ Ду́хом ны́не и при́сно и во ве́ки веко́в. Ами́нь.
Молитва преподобномученице Евдокие от бесплодия
Святой Евдокии молятся женщины, которые не могут забеременеть. Евдокия, приняв Святое Крещение и отрекшись от своего богатства, строгой постнической жизнью угодила Богу и получила дар чудотворения.
О свята́я уго́днице Бо́жия, преподобному́ченице Евдоки́е! По́двигом до́брым подвиза́вшися на земли́, восприя́ла еси́ на Небесе́х вене́ц пра́вды, его́же угото́вал е́сть Госпо́дь все́м лю́бящим Его́. Те́мже взира́юще на святы́й тво́й о́браз, ра́дуемся о пресла́внем сконча́нии жи́тельства твоего́ и чте́м святу́ю па́мять твою́. Ты́ же, предстоя́ Престо́лу Бо́жию, приими́ моле́ния на́ша и ко Всеми́лостивому Бо́гу принеси́, о е́же прости́ти на́м вся́кое прегреше́ние и по́мощи на́м ста́ти проти́ву ко́знем диа́вольским, да изба́вльшеся от скорбе́й, боле́зней, бе́д и напа́стей и вся́каго зла́, благоче́стно и пра́ведно поживе́м в ны́нешнем ве́це и сподо́бимся предста́тельством твои́м, а́ще и недосто́йни есмы́, ви́дети блага́я на земли́ живы́х, сла́вяще Еди́наго во святы́х Свои́х сла́вимаго Бо́га, Отца́ и Сы́на и Свята́го Ду́ха, ны́не и во ве́ки веко́в. Ами́нь.
Cвятому преподобному Евфимию Великому от бесплодия
Преподобный Евфимий жил в пустынном месте, весь отдаваясь Господу, проводя время в трудах, воздержании и молитве, вкушая пищу только в субботу и воскресенье, никогда не спал лежа. Господь наградил Своего угодника даром чудотворения и прозорливости. Молитвою он сводил с неба дождь, исцелял неизлечимо больных, прогонял демонов, провидел душевные свойства людей. Ему молятся в супружеском неплодстве и во время голода.
Преподо́бне о́тче Евфи́мие! Воззри́ на на́с ми́лостивно и к земли́ приве́рженных возведи́ к высоте́ небе́сней. Ты́ горе́ на небеси́, мы́ на земли́ ни́зу, удалены́ от тебе́, не толи́ко ме́стом, ели́ко грехми́ свои́ми и беззако́нии, но к тебе́ прибега́ем и взыва́ем: наста́ви на́с ходи́ти путе́м твои́м, вразуми́ и руково́дствуй. Вся́ твоя́ свята́я жи́знь бы́сть зерца́лом вся́кия доброде́тели. Не преста́ни, уго́дниче Бо́жий, о на́с вопия́ ко Го́споду. Испроси́ предста́тельством свои́м у Всеми́лостиваго Бо́га на́шего ми́р Це́ркви Его́, под зна́мением креста́ во́инствующей, согла́сие в ве́ре и единому́дрие, суему́дрия же и раско́лов истребле́ние, утвержде́ние во благи́х де́лех, больны́м исцеле́ние, печа́льным утеше́ние, оби́женным заступле́ние, бе́дствующим по́мощь. Не посрами́ на́с, к тебе́ с ве́рою притека́ющих. Вси́ правосла́внии христиа́не, твои́ми чудесы́ испо́лненнии и милостями облагоде́тельствованнии, испове́дуют тя́ бы́ти своего́ покрови́теля и засту́пника. Яви́ дре́вния ми́лости твоя́, и и́хже отце́м всепомоществовал еси́, не отри́ни и на́с, ча́д и́х, стопа́ми и́х к тебе́ ше́ствующих. Предстоя́ще всечестне́й ико́не твое́й, я́ко тебе́ жи́ву су́щу, припа́даем и мо́лимся: приими́ моле́ния на́ша и вознеси́ и́х на же́ртвенник благоутро́бия Бо́жия, да прии́мем тобо́ю благода́ть и благовре́менную в ну́ждех на́ших по́мощь. Укрепи́ на́ше малоду́шие и утверди́ на́с в ве́ре, да несомне́нно упова́ем получи́ти вся́ блага́я от благосе́рдия Влады́ки моли́твами твои́ми. О, превели́кий уго́дниче Бо́жий! Все́м на́м, с ве́рою притека́ющим к тебе́, помози́ предста́тельством твои́м ко Го́споду, и все́х на́с упра́ви в ми́ре и покая́нии сконча́ти живо́т на́ш и пресели́тися со упова́нием в блаже́нныя не́дра Авраа́мова, иде́же ты́ ра́достно во труде́х и по́двизех ны́не почива́еши, прославля́я со все́ми святы́ми Бо́га, в Тро́ице сла́вимаго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
Православные иконы и молитвы
Информационный сайт про иконы, молитвы, православные традиции.
Иоаким и Анна: икона, молитва, житие
«Спаси, Господи!». Спасибо, что посетили наш сайт, перед тем как начать изучать информацию, просим подписаться Вас на нашу группу Вконтакте Молитвы на каждый день. Так же добавляйтесь на канал в ютубе Молитвы и иконы. «Храни Вас Господь!».
Среди всех почитаемых святых в православном мире, наверное, и нет больше супружеской пары таких как святые Иоаким и Анна. Этой супружеской паре на протяжении многих веков поклоняются люди прося у них в молитве о самом сокровенном.
В данной статье рассмотрим их краткое житие. Представим молитвы, которыми обращаются к ним. Прославляя супружество, церковь воздает честь Любви – чувству, которое длится даже после смерти.
Житие Иоакима и Анны
Святые богоотцы Иоаким и Анна — это родители пресвятой Богородицы. Как упоминается в святом письме, брак получил свое оправдание законом, только как долг перед обществом. По закону брак имел право на существование только после принятия закона о деторождении. Это был один из самых суровых законов иудеев. Но по большому счету этой ужасной традиции поставили конец именно Анна и Иоаким. Они стали историей безоглядного и искреннего чувства и настоящего романтизм.
Согласно законам, того времени, деторождение рассматривалась как обязанность. Если женщина не могла иметь детей, то это служило причиной развода и ее муж имел полное право искать себе другую женщину. Так уж сложилось, что у Анны не могло быть детей. Но несмотря на это, Иоаким даже после того как от него отвернулись все самые знатные люди в городе не отказался от своей супруги. Он продолжал быть ей верным и любил только ее одну.
Жили святые в Галилейском городе Назарете. Супруги были очень праведными. Они очень сильно переживали по причине бездетности. Им приходилось испытывать и презрения, и презрение от окружающих. Со временем такие презрения дошли до открытого унижения. Однажды первосвященник отказался принять жертву от праведника Иоакима и тот с сильным стыдом был вынужден удалиться из храма.
Но чем больше они начинали переживать горе бездетности, тем сильнее и рьяно они начинали читать молитвы к Господу Богу. Прошло не мало времени, как Господь послал к ним своего вестника архангела Гавриила, который им сообщил им о том, что у них вскоре родится ребенок – Пресвятая Дева Мария. Узнав такую весть, праведники начали еще более рьяно осуществлять подвиги благочестия, постом, молитвами и добрыми делами.
Они со всех сил готовились к появлению такого долгожданного ребенка. Они хотели стать достойными родителями для него.
Анна родила дочь в положенный срок. Назвали ее Марией. Таким образом после долгого и мучительного позора и многих испытаний им все-таки удалось испытать радость и счастье. Когда малышке исполнилось три года, ее родители привели в храм. Им на тот момент исполнилось уже 80 лет. Спустя несколько лет умер святой Иоаким. После его смерти Анна переселилась жить в Иерусалим и жила там рядом со своей дочерью. Спустя два года умерла и Анна.
Икона Иоакима и Анны
Святые Иоаким и Анна особенно почитаются в Зачатьевском монастыре, который находится в России в Москве. На иконе святые изображены в полный рост. Иконописцы их изображают как супружескую, любящую пару. Тем самым они показывают не только чувства духовной любви, но и мирской теплоты плоти.
Стоит также отметить, что икона праведных богоотцов Иоакима и Анны считается достаточно сильной в православном мире. Чтобы преклонится перед ними и помолится с просьбой об исцелении и даровании мирских благ съезжаются со всего мира. История этих двух святых показывает сегодня то, что никогда не нужно отчаиваться.
Бог может послать нам испытания, которые мы в силе выдержать. Но несмотря на все переживания, он также и может послать детей вне зависимости от того, какой возраст будущих родителей.
О чем молятся перед иконой святых
Святые Анна и Иоаким прожили в слаженности и любви всю свою семейную мирскую жизнь. Несмотря на то, что не могли иметь детей. Нужно сказать, что данная семейная пара достойна быть образцом идеальной супружеской жизни, которая должна быть сегодня у каждого.
Несмотря на все свои преграды и унижения, они настолько желали иметь ребенка, что Господь их даровал его им. Чудеса по молитве Иоакиму и Анне о даровании детей совершаются и по сей день. Икона святой Анне, которая сегодня находится на Афоне скрыта под большим количеством подношений, которые даровали веряни в знак благодарности о помощи.
Они возносят такие дарования в знак благодарности того, что под глубоким молитвенным обращением к святой семьи излечивались от бесплодия, незамужние и неженатые находили себе достойную пару. Интересный является и тот факт, что исцелялись даже представители другой веры. По предсказаниям молитва к святым помогла турецкому султану, который исповедовал мусульманскую веру излечиться от бесплодия.
Днями памяти святых является 7 августа, 22 сентября и 22 декабря. В эти дни молитва к Иоакиму и Анне считается особенно сильной. К ним приходят и молятся о помощи в следующих ситуациях:
- О супружеском единстве,
- О супружеском неплодстве,
- Бездетные просят о зачатии детей.
Кроме того, вышеперечисленного к святым обращаются о всякой семейной нужде.
Где читать молитву святым дома или в храме решать каждому самостоятельно. Но при этом нужно учитывать, если вы будете читать ее в стенах родного дома, то совершать это нужно обязательно перед их иконой. Но не стоит забывать, что именно в храме перед иконой или у мощей преподобных сила молитвы имеет особый смысл. Ну и конечно должно присутствовать желание и вера в исцеление.
Текст молитвы праведным Иоакиму и Анне:
О, приснославнии Христовы праведницы, святии богоотцы Иоакиме и Анно, предстоящии Небесному Престолу Великого Царя и велие дерзновение к Нему имущии, яко от Преблагословенныя Дщере вашея, Пречистыя Богородицы и Приснодевы Марии, воплотитися изволившему!
К вам, яко многомощным предстателем и усердным о нас молитвенником, прибегаем мы, грешнии и недостойнии. Молите благость Его, яко да отвратит от нас гнев Свой, по делом нашим праведно на ны движимый, и да безчисленная прегрешения наша презрев, обратит нас на путь покаяния, и на стези заповедей Своих да утвердит нас.
Также молитвами вашими в мире жизнь нашу сохраните, и во всех благих благое поспешение испросите, вся к животу и благочестию потребная нам от Бога дарующи, от всяких напастей и бед и внезапные смерти предстательством вашим нас избавляюще, и от всех враг видимых и невидимых защищающе, яко да тихое и безмолвное житие поживем во всяком благочестии и чистоте, и такое в мире временное сие житие прешедше, в вечный достигнем покой, идеже вашим святым умолением да сподобимся Небеснаго Царствия Христа Бога нашего, Емуже, со Отцем и Пресвятым Духом, подобает всякая слава, честь и поклонение во веки веков. Аминь.
Акафист Святым праведным Богоотцем ИОАКИМУ и АННЕ. Молитвы при бесплодии
Святые Богоотцы Иоаким и Анна (родители Пресвятой Богородицы) почитаются православными христианами как молитвенные предстатели за бездетных супругов. Если обратиться к ним смиренно и с Верой – можно получить помощь при бесплодии. Многие семьи уже обрели счастье материства, окунувшись в Святые воды источника праведной Анны в женском скиту в селе Онышковцы Ровенской области (Украина).
Испросив предстательства святых Богоотцов через молитвы и акафист, люди по вере получают исцеление от бесплодия.
Акафист Святым праведным Богоотцем ИОАКИМУ и АННЕ
Иже в законней благодати праведни бывше, Младенца богоданнаго породиша нам, Иоаким и Анна. Темже днесь светло торжествует, весело празднующи Божественная Церковь, честную вашу память, славящи Бога, воздвигшаго рог спасения нам в дому Давидове.
Радуется ныне Анна, неплодства разрешившися соуз, и питает Пречистую, созывающи вся воспети Даровавшаго от чрева ея человеком, едину Матерь и Неискусомужную.
Избраннии от человеческаго рода прародителие Христовы, рождшии Преблагословенную Богоотроковицу, из Неяже по плоти Сын Божий родися, святии и праведнии Богоотцы Иоакиме и Анно! Яко имущии дерзновение велие ко Христу Богу, и выну предстоящии Престолу Его небесному, Тому прилежно молитеся от бед нам избавитися, да выну зовем вам: Радуйтеся, святии и праведнии Богоотцы Иоакиме и Анно.
Ангел предстатель послан бысть к вам от Бога, святии и праведнии Богоотцы Иоакиме и Анно, егда о безплодии своем ов убо в пустыни, ова же в саду своем сетовасте, к Богу молитву возносяще, и тако благовестие радостное принесе безплотный, яко родити имате Дщерь Преблагословенную, о Нейже возблагословится весь род человеческий, с нимже и мы вам радостное приносим хваление: Радуйтеся, корене Давидова святопроцветшия розги винограда животнаго. Радуйтеся, рождшии Дщерь, от всех родов Преблагословенную. Радуйтеся, воплощшагося Сына Божия прародителие всечестнии. Радуйтеся, таинства от века утаеннаго проявителие всеизряднии. Радуйтеся, утехи Израилевы ближайшии по плоти сродницы. Радуйтеся, обетованнаго миру Спасителя единокровнии южицы. Радуйтеся, святии и праведнии Богоотцы Иоакиме и Анно.
Видев себе святый Иоаким, во храме Иерусалимстем безплодия ради от архиерея уничиженна, зело опечалися, и в горести души своея в пустыню к своим стадом удалися, и тамо со многими слезами тепле ко Господу моляшеся, да сподобит его отцем своему чаду нарещися, и тако к молитве же пост прилагаше, и в сокрушении сердца Вседержителю Богу взываше: Аллилуиа.
Силу горести мужа своего святая Анна уведевши, в дому своем седящи, горце плакася и моляшеся ко Господу, да поношение безплодия от нея отъимет. Мы же, толикое терпение праведных поминающе, воззовем: Радуйтеся, богоизбранная двоице, Единому от Троицы Матерь по плоти породившая. Радуйтеся, Зиждителю вашемy Родительницу непорочную произведшии. Радуйтеся, супрузи благословеннии, Преблагословенную в женах Дщерь воспитавшии. Радуйтеся, в безплодии вашем от Господа услышаннии. Радуйтеся, яко слезныя молитвы ваша проникоша небо и во ушию Бога Израилева достигоша. Радуйтеся, яко поношение ваше временное во славу вечную на небеси и на земли изменися. Радуйтеся, святии и праведнии Богоотцы Иоакиме и Анно.
Силою Божиею преисполнен, явися Ангел Господень святому Иоакиму в пустыни и рече ему: «Услыша Бог молитву твою и изволи дати тебе благодать Свою, се бо жена твоя Анна зачнет, и породит тебе Дщерь, о Нейже всему миру будет радость». Сия рек безплотный, повеле ему ко храму Иерусалимскому паки отъидти, идеже он супругу свою молящуся обрящет, с неюже вкупе да воспоет тамо хвалебную пecнь Богу Израилеву: Аллилуиа.
Имущи скорбь велию в сердце своем, Анна святая, и в вертоград дома своего вшедши, виде гнездо птичье на древе сооружено, птенцы малыя в нем лежащия, абие моления к молениям прилагати потщася, да сподобит ю Господь матерь чаду быти. И се явися ей Ангел Господень глаголя: «Услышана есть молитва твоя и воздыхания твоя проидоша облаки, слезы же твоя пред Бога внидоша: се зачнеши и родиши Дщерь Преблагословенную, о Нейже возблагословятся вся колена земная, и Тою дастся спасение всему миру, наречется же имя Ей: Мария». Таковое ангельское всерадостное благовещение поминающе, воспоим Богоотцем таковая: Радуйтеся, супрузи праведнии, от Бога свыше предизбраннии. Радуйтеся, во всех заповедех Господних без порока ходившии. Радуйтеся, в скорби вашей временней утешение вечное получившии. Радуйтеся, паче чаяния вашего десницею Божиею превознесеннии. Радуйтеся, яко во смирении вашем и скорби помяну вы Господь. Радуйтеся, яко сподобистеся прародителие Сыну Божию быти. Радуйтеся, святии и праведнии Богоотцы Иоакиме и Анно.
Бурею сомнения Иоаким праведный содержим и о благовестии ему Ангела недоумевая, абие во град Иерусалим отъиде, идеже пред враты храма святую Анну обрете, Господа вельми славословящую и радость ангельскаго явления и о чаде проречения ему возвещающу, темже и о своем видении супружнице благовестив, вкупе с нею возопи ко Господу: Аллилуиа.
Слышавше сродницы и знаемии о преславном святыя Анны зачатии, Бога Израилева славляху, Анна же богомудрая, плод чрева своего на служение Богу обрече, теплое благодарение Господеви возношаше; мы же, светло всеславное зачатие Богоотроковицы Марии воспевающе, Тоя святым родителем глаголем сице: Радуйтеся, радостнии нам грядущаго в мир Искупителя провозвестницы. Радуйтеся, присно поминаемии чаемаго Спасителя праотцы. Радуйтеся, чрез Дщерь вашу благословенную, Слову Божию плоть взаимодавшии. Радуйтеся, Бога воплощенна Внука себе нарицающии. Радуйтеся, велией благочестия тайны достойнии служителие. Радуйтеся, Божия к человеком снисхождения всеизряднии посредницы. Радуйтеся, святии и праведнии Богоотцы Иоакиме и Анно.
Богосветлую звезду явльшую Солнце правды Христа Бога, Пресвятую Богородицу, плотию родити сподобистеся, и вожделенное имя Богоотцев приясте, Иоакиме и Анно всеблаженнии, о Еяже рождестве святем небо и земля возрадовашася, и весь род человеческий освятися, вопия дивному во святых Своих Богу Израилеву: Аллилуиа.
Видевше родители от них рождшуюся Богоотроковицу Марию, Зиждителеву же Матерь, яко кивоту Божию, благоговейно Той послужиша, темже и нас, к вам молитвенно припадающих, не отвратитесь, глаголющих: Радуйтеся, в рождестве Богоотроковицы Марии светло возликовавшии. Радуйтеся, видением Богоотроковицы услажденнии. Радуйтеся, слышанием Ея умиленнии. Радуйтеся, по сих от архиерея Божия благословеннии и ублаженнии. Радуйтеся, Агницу непорочную в дому своем добре упасшии. Радуйтеся, Агнца и Пастыря Матерь во Дщерь себе приемшии. Радуйтеся, святии и праведнии Богоотцы Иоакиме и Анно.
Проповедницы чудес Божиих явистеся, святии, егда обет свой Богови совершисте и трилетнюю Богоотроковицу Марию в храм Божий со славою введосте, да обитает тамо во Святая Святых, о сих убо радостно Богу отец ваших славословия песнь воспевати потщастеся: Аллилуиа.
Возсия Богоотроковица, яко луна полная, в честнем Своем в храм Господень вхождении, Еяже чистоте Ангели удивляхуся, и архиерей Божий Захария прием Ю от рук ваших, святии Иоакиме и Анно, во внутренняя Святая Святых с честию введе, яко воистину одушевленный Божий Кивот, вас же по достоянию ублажи хваленьми таковыми: Радуйтеся, радость всемирную роду человеческому породившии. Радуйтеся, виновницу человеческаго обновления воспитавшии. Радуйтеся, в храм Господень Кивот одушевленный Божий приведшии. Радуйтеся, Дщерь вашу святую, во Святая Святых вместившии. Радуйтеся, Богу воплотитися хотящему сродницы являющиися. Радуйтеся, Ангелом собеседницы бывшии. Радуйтеся, святии и праведнии Богоотцы Иоакиме и Анно.
Желание души твоея исполнив, и обет твой Богови воздав, Иоакиме преблаженне, в старости добрей свято и праведно жизнь земную о Господе скончал еси. Темже ныне Тому и о нас сотвори молитву, да благую, мирную и непостыдную кончину получити сподобимся, зовуще Ему: Аллилуиа.
Новое и богоугодное житие во вдовстве твоем, Анно святая, провождала еси, у храма Божия приметающися и Святей и Преблагословенней Дщери твоей сослужащи, темже яко истинную и богоугодную вдовицу, Христову же прабабу, тя восхваляем, вкупе же и мужа твоего, Богоотца Иоакима, усердно чествуем и с любовию песни таковыя вам приносим: Радуйтеся, праведницы, ихже правда яко солнце сияет во веки. Радуйтеся, Ангелом друзи, сожителие святым и приснии Богу. Радуйтеся, ближнии небеснаго престола предстоятелие. Радуйтеся, дерзновение велие ко Христу Богу имущии. Радуйтеся, Церкве на небеси торжествующия украшение. Радуйтеся, Церкве воинствующия на земли доброе заступление. Радуйтеся, святии и праведнии Богоотцы Иоакиме и Анно.
Странствие земное совершив, святая и праведная Анно, на руках Пребожественныя твоея Дщери, Богородицы Марии, сном смертным почила еси и к Богу со упованием преставилася еси, темже святое успение твое славяще, молим тя, о Богопраматерь всечестная, да егда и мы сном смертным усыпати начнем, умоли Спаса Христа, кротко душу нашу от тела отделити и бесовския власти ю избавити, спасения же вечнаго нас удостоити, да зовем Ему в радости святых: Аллилуиа.
Весь мир христианский блажит вас по достоянию, святии и праведнии Богоотцы Иоакиме и Анно, и молитвенно ваша честная имена прославляет, Церковь же Христова светло память вашу празднует и песни хвалебныя вам приносит сице: Радуйтеся, светильницы, мрак душ наших благодатно озаряющии. Радуйтеся, от горних высот славы вашея к земнородным милостиво проницающии. Радуйтеся, Богородице Марии сомолитвенницы всегдашнии. Радуйтеся, Христа Бога умилостивителие многомощнии. Радуйтеся, любовь и веру к вам имущих от всяких бед спасающии. Радуйтеся, молитвенно на помощь вас призывающих от напрасныя и наглыя смерти избавляющии. Радуйтеся, святии и праведнии Богоотцы Иоакиме и Анно.
Вси Ангели Божии и лицы святых Божиих на небеси вас, святии и праведнии Богоотцы Иоакиме и Анно, целуют, роди же человечестии на земли молитвенными песньми вас похваляют и о предстательстве вашем благодарно вопиют Богу: Аллилуиа.
Витийства наша не довлеют к достойной вам похвале, святии прародителие Христовы; обаче вы, милостивы суще, и наша убогая хваления не отвратите, но будите о нас теплии предстатели и молитвенницы ко Господу, вашими святыми молитвами скудость душ наших восполняюще, да благодарственне вам зовем: Радуйтеся, радости и славы вечныя вожделении нам ходатаи. Радуйтеся, благ временных и вечных усерднии нам пред Господем ходатаи. Радуйтеся, от смертоносныя язвы предстательством вашим верныя сохраняющии. Радуйтеся, тлетворныя ветры молитвами вашими разгоняющии. Радуйтеся, трясение земли и бури зельныя ходатайством вашим установляющии и в тишину прелагающии. Радуйтеся, во всяких бедах и злоключениих на помощь к нам ускоряющии. Радуйтеся, святии и праведнии Богоотцы Иоакиме и Анно.
Спасения душевнаго желающим и о сем усердно подвизающимся помощницы блазии, святии и праведнии Богоотцы Иоакиме и Анно, явистеся: ов убо иноком, ова же инокинем хранители именуетеся, общее моление за всех верных Богу приносяще, да вси благодарственно зовут прославльшему вас во вселенней, Царю Славы Христу: Аллилуиа.
Стеною молитв ваших небесных, святии и праведнии Богоотцы Иоакиме и Анно, сохраняйте и ограждайте нас от искушений врага диавола, ищущаго душевней погибели нашей, вемы бо, вемы, яко много может молитва ваша пред лицем Христа Бога нашего, вашего же по плоти Внука, Егоже умоляти не престайте о всех, с любовию вас почитающих и вопиющих: Радуйтеся, маслина благоплодная, елей милости Божией обильно нам источающая. Радуйтеся, кипариси двое благосеннолиственнии, зной страстей наших в покой безстрастия приводящии. Радуйтеся, виссоне и багряницо, из нихже Скиния Божия селения соорудися. Радуйтеся, горлицы единосупружнии, Голубицу Непорочную произведшии. Радуйтеся, со Дщерию вашею, всех Царицею вечно царствующии. Радуйтеся, в Сионе горнем в обители Ея небесней светло торжествующии. Радуйтеся, святии и праведнии Богоотцы Иоакиме и Анно.
Пение наше хвалебное милостивно приимите, и щедрот ваших молитвенных нас не лишите, о святии прародителие Христовы Иоакиме и Анно, аще и недостойнии есмы, грехов ради наших, вашего святаго заступления: обаче яко блази и всещедри суще, сие нам подадите и помозите нам покаянием очиститися от скверны греховныя, да в чистоте сердец воспоем Создателю нашему хвалебную песнь: Аллилуиа.
Светоподательныя два светильника, всемирную Свещу возжегшия, познаим святых Богоотец Иоакима и Анну, о братие, и сиянием тех небесныя славы озаряеми, воспоим им таковая: Радуйтеся, Славнейшую без сравнения Серафим воспитати удостоившиися. Радуйтеся, лучами благодати Божия осияннии. Радуйтеся, благоухания дуxoвнагo преисполненнии. Радуйтеся, фимиам молитв ваших о всем мире христианстем Богу приносящии. Радуйтеся, с Богородицею Мариею и Предтечею Иоанном у престола Христова выну предстоящии. Радуйтеся, святии и праведнии Богоотцы Иоакиме и Анно.
Благодать Божию и милость нам подати, прощение же грехов и исправления жития ниспослати просите нам у Господа, святии Богоотцы Иоакиме и Анно, и не престайте о нас пред лицем Вседержителя Бога моляще, яко стяжавшии к Нему дерзновение многое. О сем усердно к вам припадающе, яко присных предстателей и заступников наших, просим и благоумиленно зовем всех Творцу: Аллилуиа.
Поюще многомощное предстательство ваше к Богу, Иоакиме и Анно праведнии, величаем возвеличившаго вас Христа Господа, воспеваем и рожденную от вас Пренепорочную Его Матерь, вам же от усердия нашего сия достодолжныя похвалы приносим: Радуйтеся, от востока и до запада препрославленнии. Радуйтеся, стражие божественнии, неусыпно бдящии в молитвах к Богу о всех верных. Радуйтеся, помощь вашу благодатную всяцей душе христианстей подающии. Радуйтеся, во благих моления и прошения благочестивых исполняющии. Радуйтеся, душевных и телесных недугов преизряднии и безмезднии целители. Радуйтеся, благ временных и вечных всеусерднии и благоприятнии нам ходатаи. Радуйтеся, святии и праведнии Богоотцы Иоакиме и Анно.
О святии и праведнии Богоотцы Иоакиме и Анно! Молим вас со усердием и любовию, к подножию ног ваших припадающе: умолите Господа Бога, избавити нас от погибели вечныя, грешником уготованныя, да милосердием Бога нашего спасаеми, и вашими святыми молитвами поспешествуеми, благодарственно воспоим Ему ангельскую песнь: Аллилуиа.
(Этот кондак читается трижды, затем икос 1 и кондак 1).
Молитвы святым праведным Богоотцем Иоакиму и Анне
Молитва первая
О святии праведницы, Богоотцы Иоакиме и Анно! Молите Милосердаго Господа, яко да отвратит от нас гнев Свой, по делом нашим праведно на ны движимый, и да безчисленная прегрешения наша презрев, обратит нас, раб Божиих (имена), на путь покаяния, и на стези заповедей Своих да утвердит нас. Таже молитвами вашими в мире жизнь нашу сохраните, и во всех благих благое поспешение испросите, вся к животу и благочестию потребная нам от Бога дарующе, от всяких напастей и бед и внезапныя смерти предстательством вашим нас избавляюще и от всех враг видимых и невидимых защищающе, и тако в мире временное сие житие прешедше. в вечный достигнем покой, идеже вашим святым умолением да сподобимся Небеснаго Царствия Христа Бога нашего, Емуже, со Отцем и Пресвятым Духом, подобает всякая слава, честь и поклонение во веки веков.
Молитва вторая
О приснославнии Христовы праведницы, святии Богоотцы Иоакиме и Анно, предстоящии небесному престолу Великаго Царя и велие дерзновение к Нему имущии, яко от преблагословенныя Дщере вашея, Пречистыя Богородицы и Приснодевы Марии, воплотитися изволившему! К вам, яко многомощным предстателем и усердным о нас молитвенникам, прибегаем мы, грешнии и недостойнии (имена). Молите благость Его, яко да отвратит от нас гнев Свой, по делом нашим праведно на ны движимый, и да безчисленная прегрешения наша презрев, обратит нас на путь покаяния, и на стези заповедей Своих да утвердит нас. Также молитвами вашими в мире жизнь нашу сохраните, и во всех благих благое поспешение испросите, вся к животу и благочестию потребная нам от Бога дарующе, от всяких напастей и бед и внезапныя смерти предстательством вашим нас избавляюще, и от всех враг видимых и невидимых защищающе, яко да тихое и безмолвное житие поживем во всяком благочестии и чистоте, и тако в мире временное сие житие прешедше, в вечный достигнем покой, идеже вашим святым умолением да сподобимся Небеснаго Царствия Христа Бога нашего, Емуже, со Отцем и Пресвятым Духом, подобает всякая слава, честь и поклонение во веки веков. Аминь.
Личное прошение праведной Анны о даровании дитяти (из Четьи-Миней святителя Димитрия Ростовского)
Горе мне, Господи! Кому я уподоблюсь? Ни птицам небесным, ни зверям земным: ибо и те приносят Тебе, Господи Боже, плод свой, я же одна неплодна. Увы мне, Господи! Я одна, грешная, лишена потомства. Ты, Который даровал некогда Сарре в глубокой старости сына Исаака. Ты, Который отверз утробу Анны, матери пророка Твоего Самуила, призри ныне на меня и услыши молитвы мои. Прекрати печаль сердца моего и отверзи мою утробу, и меня, неплодную, соделай плодоносною, дабы рожденное мною мы принесли Тебе в дар, благословляя, воспевая и прославляя Твое милосердие.