Самое подробное описание: молитва перед рождеством - для наших читателей и подписчиков.
Молитва перед рождеством
Акафист иконе Божией Матери
Акафист Рождеству Христову
Общее для всех акафистов.
«Седмипоклонный начал»
Боже, милостив буди мне грешному (поклон).
Боже, очисти мя грешнаго и помилуй мя (поклон).
Создавый мя, Господи, помилуй мя (поклон).
Без числа согреших, Господи, прости мя (поклон).
Владычице моя, Пресвятая Богородице, спаси мя грешнаго (поклон).
Ангеле, хранителю мой святый, от всякаго зла сохрани мя (поклон).
Святый апостоле (или мучениче, или преподобне отче, имя), моли Бога о мне (поклон).
Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды, с крестным знамением и поясным поклоном)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси, и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Господи, помилуй (12).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу (поклон).
Приидите, поклонимся и припадем Христу, Цареви нашему Богу (поклон).
Приидите, поклонимся и припадем Самому Христу, Цареви и Богу нашему (поклон).
Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих; яко да оправдишися во словесех Твоих, и победиши внегда судити Ти. Се бо в беззакониих зачат есмь, и во гресех роди мя мати моя. Се бо истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на олтарь Твой тельцы.
Символ веры
Верую во единаго Бога Отца Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес, и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день, по Писанием. И возшедшаго на небеса, и седяща одесную Отца. И паки грядущаго со славою, судити живым и мертвым, Егоже Царствию не будет конца. И в Духа Святаго, Господа животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во Едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.
И читай акафист.
Акафист Рождеству Христову
Избравый от всех родов пречистейшую Ангел Деву; и от Нея родивыйся плотию, Христе Боже наш, благодарственная приносим Ти раби Твои, Владыко. Ты же, яко имеяй милосердие неизреченное, от всяких нас бед свободи, зовущих: Иисусе, Сыне Божий воплотивыйся нас ради, слава Тебе.
Ангел множество собрася во Вифлееме, видети непостижное Рождество; и видевше своего Творца, во яслех яко младенца лежаща, удивишася! И страхом благоговеюще, Рождшагося и Рождшую боголепне почитаху, поюще таковая:
Слава Тебе, Сыне Божий, прежде век от Отца рожденный.
Слава Тебе, со Отцем и Духом вся сотворивый.
Слава Тебе, спасти погибшия пришедый.
Слава Тебе, даже до рабия зрака снизшедый.
Слава Тебе, взыскателю заблудших.
Слава Тебе, Спасителю погибших.
Слава Тебе, средостение вражды разрушившу.
Cлава Тебе, рай, преслушанием затворенный, паки отверзшу.
Слава Тебе, род человеческий неизреченно возлюбившу.
Cлава Тебе, на земли вертеп Небо явившу.
Слава Тебе, рождшую Тя Деву, Престол херувимский показавшу.
Иисусе, Сыне Божий, воплотивыйся нас ради, слава Тебе.
Видяще безплотнии Ангели своего Владыку, от чистыя Девы плоть приемша, ужасошася! И друг ко другу реша: преславное сие Таинство непостижимо нам является быти: обаче дивяшеся неизреченному Того снизхождению, со страхом пояху: Аллилуиа.
Разумная вся тварь ужасающися и благодарящи поет Твоего Рождества, Владыко, таинство! Силы небесныя радуются поюще: слава в вышних Богу, и земля с человеки веселится, мы же непрестанно вопием:
Слава Тебе, в вышних славимому Богу.
Слава Тебе, мир на земли сотворившему.
Слава Тебе, нас Тебе примирившему.
Слава Тебе, на земли нам явившемуся.
Слава Тебе, от Девы неизреченно воплотившемуся.
Слава Тебе, звезду возсиявый.
Слава Тебе, тою волхвы на поклонение Тебе призвавый.
Слава Тебе, дары от них милостивно приявшему.
Слава Тебе, всю тварь Тебе служити научившему.
Слава Тебе, и нас Тебе пети вразумившему.
Слава Тебе, Себе нам соединившему.
Слава Тебе, нас Собою спасшему.
Иисусе, Сыне Божий, воплотивыйся нас ради, слава Тебе.
Сильный в крепости, Бог мира и Отец щедрот, прииде на землю, спасти мир погибающий: Ныне в Вифлееме яко младенец раждается от Девы: Юже Матерь и Ходатаицу спасения показа, всем Того воплощение славящим и поющим: Аллилуиа.
Имуще Тебе пречисто Рождшую, о нас непрестанно молящуюся, радующеся поем Твоего вочеловечения, Владыко, таинство! И Рождество от Девы Богоприятныя славословяще вопием:
Слава Тебе, Сыне Божий, нас ради воплотивыйся.
Слава Тебе, Сыне Девы, от Девы несказанно родивыйся.
Слава Тебе, человеколюбия бездну на нас показавшему.
Слава Тебе, нас неизреченно возлюбившему.
Слава Тебе, заблудшее овча взыскавшему.
Слава Тебе, о обретении тоя, срадоватися Ангелом рекшему.
Слава Тебе, на рамо сию восприемшему.
Слава Тебе, ко Отцу приведшему.
Слава Тебе, человеки со Ангелы во едино стадо совокупившему.
Слава Тебе, мир от прелести избавльшему.
Слава Тебе, великую и неизреченную милость нам явившему.
Слава Тебе, нас паче всех тварей возлюбившему.
Иисусе, Сыне Божий, воплотивыйся нас ради, слава Тебе.
Бурю внутрь помышлений сумнительных прежде имевый целомудренный Иосиф, ныне внутрь Божественнаго вертепа видит преславныя. Аще бо и яко человека видяще от Девы рождаемаго, но разумеваше от вещей Бога быти истиннаго: тем и боголепне поклонився, радостно пояше: Аллилуиа
Слышаша пастырие Ангела, возвещающа им рождшагося Спаса миру, во граде Давидове, и скоро текше, видят Сего яко агнца непорочна, во чреве Девыя упасшася во яслех лежаща, и Рождшую благоговейно служащу и Иосифа со страхом предстояща; сказаша о глаголанных к ним, и поклонившеся Рождшемуся, реша:
Слава Тебе, Агнче Божий, Спасе мира.
Слава Тебе, Сыне Божий, неизреченное чудо нам показавый.
Слава Тебе, ангельских пении слышатели нас быти явивый.
Слава Тебе, с ними и нас славословити Тя научивый.
Слава Тебе, Ангелы и человеки пети Тя вразумивый.
Слава Тебе, на земли и на небеси радость сотворивый.
Слава Тебе, яко о Тебе небесная земным срадуются.
Слава Тебе, яко Тобою земная небесным совокупляются.
Слава Тебе, крепость диаволю немощну показавшему.
Слава Тебе, от того мучительства нас избавльшему.
Слава Тебе, в Тя верующим неизреченная радосте.
Слава Тебе, любящим Тя неизглаголанная сладосте.
Иисусе, Сыне Божий, воплотивыйся нас ради, слава Тебе.
Боготечную звезду, Христово Рождество предъявляющую, узревше звездоблюстители волсви; и тоя вождением Непостижимаго достигоша и Невидимаго видеша, возрадовашася Тому вопиюще: Аллилуиа.
Видяще царие перситстии, на руку Девичу, Царя царствующих, яко на престоле херувимстем седяща, и Владыку Того разумевающе, аще рабий прият зрак, потщашася дары Ему принести: злато, яко Царю всех; ливан же яко Богу; смирну, яко Безсмертному, и поклонившеся пояху:
Слава Тебе, Свет всем возсиявый.
Слава Тебе, нас звездою на поклонение Тебе призвавый.
Слава Тебе, злобу лютаго Ирода обличившему.
Слава Тебе, суетно того умышление показавшему.
Слава Тебе, нас от того прелести избавльшему.
Слава Тебе, Тебе, Солнцу правды, покланятися научившему.
Слава Тебе, вся светом разума просветившему.
Слава Тебе, Твоим Рождеством многобожия прелесть упразднившему.
Слава Тебе, вражие владычество до конца низложившему.
Слава Тебе, со Отцем и Духом Тебе покланятися нас научившему.
Слава Тебе, нас прельстившаго змия главу сокрушившему.
Слава Тебе, от вечныя смерти нас избавльшему.
Иисусе, Сыне Божий, воплотивыйся нас ради, слава Тебе.
Проповедник богоносных вещания яже от Тебе исполняя, на земли явил еси Себе, Спасе, во убозем ныне вертепе рождся от чистыя Девы: и богат сый, нас ради обнищал еси волею, да человеки обогатиши, верою Тебе поющия: Аллилуиа.
Возсиял еси от Девы, и неискусомужныя Твоея Матере, Иисусе, яко солнце просвещая и прогоняя лжи тьму: демони бо, Спасе, нетерпяще Твоея крепости, вси вострепеташа, и ад, видев чудо, убояся; мы же благодаряще вопием Ти:
Слава Тебе, человек Спасителю.
Слава Тебе, бесов Потребителю.
Слава Тебе, прелести начальника Твоим Рождеством устрашившему.
Слава Тебе, идольскую прелесть упразднившему.
Слава Тебе, светом Богопознания вся осиявшему.
Слава Тебе, тьму неведения прогнавшему.
Слава Тебе, Каменю, воду спасения всем источивый.
Слава Тебе, жажду Адамову и Давидову утоливый.
Слава Тебе, яко солнцем, Твоим Рождеством вся просветившему.
Слава Тебе, лучи благодати вселенней облиставшему.
Слава Тебе, землю обетования нам показавшему.
Слава Тебе, от всеродныя клятвы нас избавльшему.
Иисусе, Сыне Божий, воплотивыйся нас ради, слава Тебе.
Хотя от века сокровенную тайну нам явити, от всея твари служители таинству показал еси, Спасе. От Ангел Гавриила, от человек Деву, от небес звезду, от земли вертеп, в немже родитися благоволил еси; темже дивящеся твоей неизреченней премудрости, зовем: Аллилуиа.
Новую показал еси тварь, явлься плотию всех Зиждитель, из безсеменныя прозяб утробы, и сохранив ю, якоже бе нетленную, и Ходатаицу спасения показал еси поющим:
Слава Тебе, Сыне Божий, Тя рождшую Матерь милосердия показавый.
Слава Тебе, Тую и по Рождестве Деву сохранивый.
Слава Тебе, спасти Адама пришедшему.
Слава Тебе, Евины слезы утолившему.
Слава Тебе, вся спасти пришедый.
Слава Тебе, Воскресения образ облиставый.
Слава Тебе, грехов наших рукописание раздравый.
Слава Тебе, Собою смирения образ нам показавый.
Слава Тебе, нас ради обнищавшему.
Слава Тебе, Твоею нищетою нас обогатившему.
Слава Тебе, одеждою спасения нас одеявшему.
Слава Тебе, Твоею любовию нас усладившему.
Иисусе, Сыне Божий, воплотивыйся нас ради, слава Тебе.
Странное и преславное Рождество Твое видевше, в вертепе совершаемое, устранимся сует паче мира, ум на Божественная преложше. Сего бо ради Бог на земли явися смиренный человек, да на небеса возведет Тому вопиющия: Аллилуиа.
Весь еси желание, весь сладость любящим Тя, Христе Боже, и Твое Божественное снизхождение славящим: от Девы бо чистыя рождшся на земли, нас на небеса возводиши, поющих:
Слава Тебе, Сыне Божий, на земли родивыйся.
Слава Тебе, от Девы неизреченно воплотивыйся.
Слава Тебе, Себе нам показавшу.
Слава Тебе, нас от Тебе далече сущих призвавшу.
Слава Тебе, нам неизреченная радосте.
Слава Тебе, сердец наших сладосте.
Слава Тебе, в Рождестве Твоем свет спасения возсиявый.
Слава Тебе, слезы в наше спасение пролиявый.
Слава Тебе, теми пламень страстей наших угасивый.
Слава Тебе, нас от скверны греховныя омывый.
Слава Тебе, преступление разрушившему.
Слава Тебе, от тления нас избавльшему.
Иисусе, Сыне Божий, воплотивыйся нас ради, слава Тебе.
Всякое разумение и всяк ум ангельский и человеческий не постигает Твоего непостижнаго Рождества, Владыко, таинство разумети; обаче, Владыко благий, нашу любовь и веру приими, и спаси нас, Тебе поющих: Аллилуиа.
Вития многовещанныя, яко рыбы безласныя, видим о Твоем воплощении, Владыко, недоумеют бо глаголати: како Бог сый совершен, Человек совершенный явися, и от Девы неискусобрачныя како родися? Мы же, тайны неиспытующе, верою единою славим, вопиюще:
Слава Тебе, ипостасная Божия премудросте.
Слава Тебе, неизглаголанная всем радосте.
Слава Тебе, любомудры немудрыя явивый.
Слава Тебе, о Тебе испытующих посрамивый.
Слава Тебе, вся баснотворная плетения растерзавый.
Слава Тебе, свет Боговедения всем возсиявый.
Слава Тебе, мудрость во Твоих делех пролиявый.
Слава Тебе, многим разумы просветившему.
Слава Тебе, путь спасения нам показавшему.
Слава Тебе, неизчетная бездна милосердия.
Слава Тебе, пучино щедрот и человеколюбия.
Иисусе, Сыне Божий, воплотивыйся нас ради, слава Тебе.
Спасти восхотев мир погибающий, Иже всех украситель, от Девы, яко младенец раждается и во яслех пеленами повивается, разрешаяй многоплетенныя пленицы прегрешений: и Сын сый Божий, Девыя Сын бывает! И вся мудре устрояет, да спасет Тому поющия: Аллилуиа.
Стена и столп злобы богопротивныя и род пребеззаконный показася, жизнь всем Подающаго убити богоборец тщашеся, и незлобивыя младенцы, яко класы незрелы мечи пожинахуся. Тем же и мы злобу всякую от сердец наших отринувше, нас спасти Пришедшаго прославим вопиюще:
Слава Тебе, иродово умышление тщетно показавый.
Слава Тебе, от того избиенныя младенцы со Ангелы сопричтый.
Слава Тебе, злобы потребителю.
Слава Тебе, смирения наставниче и смертных любителю.
Слава Тебе, рог гордости сломившу.
Слава Тебе, свет правды всем возсиявшу.
Слава Тебе, кротости и смирению всех собою научившу.
Слава Тебе, вся в Твое познание приведшу.
Слава Тебе, Тя Рождшия утробу Твоим Рождеством освятивый.
Слава Тебе, от пастырей чудо и от волхвов дары приявый.
Слава Тебе, и безсловесныя Тебе служити научивый.
Слава Тебе, всю тварь освятивый.
Иисусе, Сыне Божий, воплотивыйся нас ради, слава Тебе.
Пение всякое побеждается, Твоему еже нас ради воплощению, достойно принести хотящих: и удобие есть молчание. Аще и равночисленныя песка морскаго песни приносим Ти, Царю Пресвятый, то ничтоже совершаем достойно. Тем же со страхом поем: Аллилуиа.
Свет Тя незаходимый, сущий во тьме и сени смертней седящии, Спасе наш, узревши от Девы возсиявша: просветишася огнем Твоего Божества; и Тебе, премудрости и смысла Подателю пояху, сицевая вопиюще:
Слава Тебе, Сыне Божий, Свете неизреченный.
Слава Тебе, Солнце правды, Твоим Рождеством вся просветивый.
Слава Тебе, многосветлое просвещение возсиявшему.
Слава Тебе, многотекущую благодати реку нам источившему.
Слава Тебе, жаждущих водою спасения богатно напоившему.
Слава Тебе, любящим Тя иго благо и бремя Твое легко показавшему.
Слава Тебе, от бремене греховнаго нас облегчившему.
Слава Тебе, нас от работы вражия избавльшему.
Слава Тебе, Твоим на земли явлением вся возвеселивый.
Слава Тебе, нас утешатися пакибытием сотворивый.
Слава Тебе, нам желаний наших край Себе явивый.
Слава Тебе, нас, врагов сущих, ко Отцу примиривый.
Иисусе, Сыне Божий, воплотивыйся нас ради, слава Тебе.
Благодать всем подати и долги человеков разрешити пришедый, Спасе наш, Твоим воплощением, тем и наша долги разреши и грехов рукописание раздери, Твое несказанное Рождество славящим и непрестанно поющим: Аллилуиа.
Поюще Твое вочеловечение, хвалим, благословим и покланяемся Тебе, Спасе наш; и веруем, яко Господь и Бог еси, спасаяй всех на Тя уповающих и Твое еже от Девы неизреченное Рождество славословящих и поющих таковая:
Слава Тебе, Сыне Божий, в вышних со Отцем и Духом покланяемый.
Слава Тебе, от всех колен небесных и земных славимый.
Слава Тебе, сокровенное от века таинство открывый.
Слава Тебе, Твою к нам неизреченную любовь явивый.
Слава Тебе, всея твари украсителю.
Слава Тебе, нам всемилостивый Спасителю.
Слава Тебе, благочестно царствующих на земли скипетры утверждаяй.
Слава Тебе, святители благоговейныя и иереи премудростию и благолепием украшаяй.
Слава Тебе, Церкве основание и утверждение.
Слава Тебе, всем верным спасение и украшение.
Слава Тебе, телес наших врачу и исцеление.
Слава Тебе, душ наших украсителю и Спасителю.
Иисусе, Сыне Божий, воплотивыйся нас ради, слава Тебе.
О пресладкий и всещедрый Иисусе, Спасителю наш, Творче и Владыко! Приими ныне малое сие молебное благодарение и славословие наше, якоже приял еси от волхвов поклонение и дары; и сохрани нас, Твоих рабов, от всякия напасти; и грехов прощение даруй; и вечныя муки избави верно славящих Твое, от чистыя Девы, Рождество и вопиющих Ти: Аллилуиа.
Этот кондак читается трижды, затем снова – 1-й икос и 1-й кондак.
Окончание общее для всех канонов и акафистов.
Достойно есть яко воистину блажити Тя, Богородицу, присноблаженную и пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем (поклон).
Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды).
Молитвами святых отец наших, Господи Иисусе Христе, Боже наш, помилуй нас. Аминь.
Тропарь праздника, глас 4
Рождество Твое, Христе Боже наш, возсия мирови свет разума: в нем бо звездам служащии звездою учахуся Тебе кланятися, Солнцу правды, и Тебе ведети с высоты Востока. Господи, слава Тебе!
Кондак, глас 3
Дева днесь Пресущественнаго раждает, и земля вертеп Неприступному приносит; Ангели с пастырьми славословят, волсви же со звездою путешествуют; нас бо ради родися Отроча младо, превечный Бог.
Величаем Тя, жизнодавче Христе, нас ради ныне плотию рождшагося от безневестныя и пречистыя Девы Марии.
Рождественский пост 28 ноября – 6 января
Пост в преддверье главного праздника всех христиан Рождения Христа именуется Рождественским постом (28 ноября – 6 января).
Он берет свое начало еще из древних веков. Один из самых главных постов упоминают в церковных писаниях уже с четвертого века нашей эры. Изначально существовало несколько версий соблюдения поста: от 6 до 10 дней. С 12 века всем христиане соблюдают этот пост в течении шести недель — 40 дней, а именно с 28 ноября по 6 января по новому стилю. Перед началом поста, в его канун 27 ноября, празднуют день памяти апостола Филиппа, поэтому пост называют также Филипповым.
Рождественский пост является одним из самых строгих. Существует определенный перечень продуктов, которые запрещено употреблять в этот период: мясо, молочные продукты, яйца. Следует отдать предпочтение овощам в любом виде, кашам, фруктам и хлебу. Не столь категоричные правила к употреблению рыбы и морепродуктов: их можно есть практически во все дни, но кроме среды и пятницы. Употребление вина также ограничено, его разрешается пить изредка по воскресеньям и большим праздникам, которые выпадают на время поста. Такими являются Введение во храм Пресвятой Богородицы, которое отмечается 4 декабря, или День святителя Николая Чудотворца, который припадает на 19 декабря.
Последний день в преддверье Рождества Христова называется Сочельником. Он является данью памяти о пророке Данииле и трех отроков. В этот день готовят из зерен пшеницы, чечевицы или риса особое блюдо – сочиво, которое едят вечером 6 января. Его подслащивают медом, также добавляют туда изюм, орехи или мак. До этого необходимо воздерживаться от любой пищи в течении всего дня.
Рождественский пост – это время раскаянья, изменения своей души в благородных целях. Пост – это час строгого внимания к духовному началу. Он нужен не только для борьбы с грехами тела: обжорством, пьянством, плотской нечистотой, но и для помощи христианам в достижении основной задачи их земной жизни — стяжания Духа Святого. Во время поста душа человека становится открытой: там можно увидеть все грехи. И человек обязан не только изгнать все эти грехи, но и встать на страже своей души, стараясь не допустить в неё вражеские помыслы: ненависть, злость, печаль, злорадствие, гордыню и так далее. Результатом очищения должно стать чувство покаяния. И если человек всеми мыслями и действиями устремлен к Господу, то он сам станет охранять его сердце и душу.
Воздержание во время поста, как духовное, так и физическое, походит за чтением молитв. Ведь без молитв и покаяния пост превращается в обычную диету. Библия раскрывает множество молитв, большинство которых подойдут и для предрождественского времени. Во время Рождественского поста следует сделать уклон на утренние и вечерние молитвы. Важным условием утренних молитв является поминание и благодарение. Обязательно следует молиться о мире и здравии, духовного наставника, родных и близких людей, или просто знакомых, которые тем или иным способом связаны с вами. Рекомендуется чтение Евангелия, например, того, которое читается в этот день в храме, что можно узнать из церковного календаря. Христиане, которые регулярно исполняют утренние и вечерние молитвы, часто читают Евангелие, стоит читать Псалтырь. Молитва – это своеобразная беседа с Господом. И какую бы молитву вы не выбрали, главное произносить ее от чистого сердца, что является основным правилом во время Рождественского поста.
Главное назначение Рождественского поста – достойно встретить рождение Сына Божьего, настроить верующую душу на честное общение в первую очередь с самим собой, очиститься как духовно, так и физически.
Молитвы в рождественский пост
Молитвы перед едой
Отче наш, сущий на небесах! Да светится имя твое, да приидет царствие твое, да будет воля твоя, как на небе, так и на земле. Хлеб наш насущный дай нам на сей день; и избави нас от долгов наших, как и мы прощаем должникам нашим; и не введи нас в искушение, но избавь нас от лукавого. Ибо сила и воля Твоя во веки веков. Аминь.
Молитвы после еды
Благодарим Тебя, Христе Боже, за то, что напитал нас земными твоими благами; не избавляй же нас и от Царства Божия, но как среди учеников явился Ты, Спаситель, прииди к нам и спаси нас.
Вечерняя молитва
Вечный и милостивый Боже, прости мне грехи, сотворенные мною делом, речью или мыслью. Дай, Господи, смиренной душе моей очищение от всякой скверны. Ниспошли мне, Господи, в ночи спокойный сон, дабы утром я вновь послужил пресвятому Твоему Имени. Избавь меня, Господи, от суеты и лихих помыслов. Яко есть сила и Царствие Твое, ныне и присно и во веки веков. Аминь.
Молитва преподобного Макария Оптинского (При плотской брани)
Молитвы святой великомученице Екатерины
Что еще почитать?
Добавить комментарий Отменить ответ
- ИОААНН к записи Молитвы святой великомученице Екатерины
- Виктория к записи Чудотворная молитва об исцелении к Блаженной Матроне Московской
- Людмила к записи Молитва от воздействия на детей колдунов и экстрасенсов
- Людмила к записи Молитва от воздействия на детей колдунов и экстрасенсов
- Людмила к записи Молитва от воздействия на детей колдунов и экстрасенсов
© 2017 Молитвы.ОНЛАЙН · Копирование материалов сайта без разрешения запрещено
